Sjötíu sentímetra ís á Skagaheiði

Þorsteinn Hafþórson og félagar gerðu ágæta veiði á Skagaheiði um liðna helgi þótt ísinn á vötnum þar sé 70 sentímetra þykkur og 40 sentímetra snjólag þar yfir.

Fyrir utan ísdorgið segir Þorsteinn fátt að frétta út stangveiðinni í Húnavatnssýslu - enn sem komið er.

"Öll vötn eru enn ísilögð en Blanda  er orðin hrein. Menn ættu að geta gert góða veiði þar eftir miðjan mánuð," segir Þorsteinn.

Að öðru leyti segir Þorsteinn að fyrstu "alvöru" aflatölur tímabilsins af hans slóðum muni koma úr Hópinu í maí.