Bílar

Ætlar Volvo að storka BMW 7 og Audi A8?

Finnur Thorlacius skrifar
Volvo Concept Coupe bíllinn fallegi í Frankfurt.
Volvo Concept Coupe bíllinn fallegi í Frankfurt.
Eitt af útspilum Volvo á bílasýningunni í Frankfürt er þessi gullfallegi hugmyndabíll Volvo Concept Coupe. Hvað Volvo ætlar með þessum bíl er hinsvegar áleitin spurning.

Sumir vilja meina að Volvo, sem flokkast sem lúxusbílaframleiðandi, ætli ekki lengur að leyfa BMW og Audi að eiga markaðinn fyrir stærri lúxúsbíla sem ekki kosta hvítuna úr augunum, heldur ætli að tefla fram bíl á næstunni sem keppa muni við Audi A8 og BMW 7-línuna.

Eigandi Volvo er kínverski bílaframleiðandinn Geely og þar á bæ virðist vera áhugi til slíks þó svo að stefna hins nýlega fráfarandi forstjóra Volvo hafi verið að smíða ekki bíl í þessum flokki, heldur halda sig við minni og ódýrari fjöldasölubíla.

Volvo áformar að koma fyrst fram með lengdan S80 bíl hlaðnan lúxus, en það virðist ekki ætla að duga til að uppfylla drauma stjórnarmanna í Geely og í stefnir að framleiddur verði bíll undir nafninu S100 og hann gæti hæglega verið þessi bíll sem hér sést. Það er Thomas Ingenlath sem teiknaði þennan hugmyndabíl og Geely menn eru afar ánægðir með hönnun hans og ætla örugglega ekki að setja þennan bíl uppí hillu sem skraut.

Mest lesið




×

Mest lesið