Íslandsmeistaramót í ökuleikni

Á morgun mun Brautin, bindindisfélag ökumanna halda Íslandsmeistaramót í ökuleikni á Kirkjusandi í Reykjavík, en félagið er 60 ára um þessar mundir.

Á morgun, laugardag verður keppt á rútum og trukkum og  gefst öllum sem hafa meirapróf kostur á að koma og spreyta sig við akstur við ýmsar aðstæður sem flestir lenda í daglega. Sett verða upp tvö þrautaplön fyrir hvorn riðil og hefur það verið samdóma álit keppenda til þessa að þau endurspegli vel þau verkefni sem hver ökumaður þarf að leysa daglega í umferðinni.

Þrautaplönin má sjá á heimasíðu Brautarinnar, www.brautin.is og þar má einnig skrá sig til keppni.

Dagskrá laugardags:

11:30. Mæting fyrir rútukeppni

12:00. Rútukeppni hefst

13:30. Mæting fyrir trukka- og sendibílakeppni

14:00. Trukkka og sendibílakeppni hefst

16:00. Verðlaunaafhending

Á sunnudag, 6. október verður Íslandsmeistaramót í ökuleikni á fólksbílum. Keppt verður í karla- og kvennaflokki, auk þess sem keppendur geta keppt sem lið.



Dagskrá fyrir sunnudag:

11:30. Mæting keppenda

12:00. Keppni hefst

16:00. Verðlaunaafhending

Þeir ökumenn sem vilja kanna hæfni sína í akstri eru því hvattir til að koma og taka þátt. Lagðar verða léttar umferðarspurningar fyrir keppendur að venju. Með því eru þeir að leggja sitt af mörkum til að bæta umferðarmenningu landsmanna. Einu kröfurnar eru að viðkomandi hafi gilt ökuleyfi til að aka þessum tækjum. Sjá má myndir á heimasíðu Brautarinnar frá síðustu keppnum hér: http://www.brautin.is/okuleikni/myndir/myndir-2012/



Upplýsingar veita Einar Guðmundsson í síma 8257110, Guðmundur Karl Einarsson í síma 6904005 og Páll H. Halldórsson í síma 6642103.