Fyrsti sigur Valsmanna | Sigrar hjá Keflavík og Snæfell

Valsmenn unnu sinn fyrsta sigur í Domino's-deild karla í körfubolta í kvöld þegar Þór Þorlákshöfn kom í heimsókn. Keflavík lagði Skallagrím og Snæfell vann öruggan útisigur á ÍR.

Birgir Björn Pétursson skoraði 23 stig og tók 25 fráköst í 97-89 sigri Valsmanna á Þór. Chris Woods skoraði 30 stig og tók 24 fráköst en Valsmenn höfðu tapað fyrstu fimm leikjunum á tímabilinu.

Leikurinn var í járnum frá fyrstu mínútu en Valsmenn höfðu þó naumt frumkvæði allan leikinn. Mike Cook Jr. skoraði 32 stig fyrir gestina úr Þorlákshöfn og Baldur Þór Ragnarsson 16 stig.

Valur: Chris Woods 30/24 fráköst/5 stoðsendingar, Birgir Björn Pétursson 23/25 fráköst, Oddur Ólafsson 20/4 fráköst/5 stoðsendingar, Rúnar Ingi Erlingsson 6, Benedikt Blöndal 6, Gunnlaugur H. Elsuson 5/4 fráköst, Ragnar Gylfason 5/4 fráköst/5 stoðsendingar, Kristinn Ólafsson 2.

Þór Þ.: Mike Cook Jr. 32/7 fráköst, Baldur Þór Ragnarsson 16/4 fráköst/6 stoðsendingar, Ragnar Ágúst Nathanaelsson 14/10 fráköst/10 varin skot, Nemanja Sovic 12/7 fráköst, Þorsteinn Már Ragnarsson 9, Tómas Heiðar Tómasson 6/5 fráköst.

Öruggt hjá Snæfelli í Breiðholti

Jón Ólafur Jónsson og Vance Cooksey skoruðu 30 stig hvor í stórsigri Snæfells á ÍR-ingum í Breiðholti. Snæfell hafði 15 stiga forskot efir fyrsta leikhluta og höfðu tök á leiknum allt til enda.

Sveinbjörn claessen skoraði 21 stig fyrir ÍR-inga og Matthías Orri Sigurðarson 18 stig.

ÍR: Sveinbjörn Claessen 21/4 fráköst/3 varin skot, Matthías Orri Sigurðarson 18/5 stoðsendingar, Calvin Lennox Henry 18/7 fráköst, Hjalti Friðriksson 9, Þorgrímur Kári Emilsson 5, Birgir Þór Sverrisson 3, Björgvin Hafþór Ríkharðsson 2/5 fráköst, Ragnar Örn Bragason 1.

Snæfell: Vance Cooksey 30/7 stoðsendingar, Jón Ólafur Jónsson 30/9 fráköst, Sigurður Á. Þorvaldsson 14/8 fráköst, Kristján Pétur Andrésson 12, Sveinn Arnar Davíðsson 7/5 fráköst, Finnur Atli Magnússon 6, Pálmi Freyr Sigurgeirsson 5, Stefán Karel Torfason 4, Hafþór Ingi Gunnarsson 2.

Sex í röð hjá Keflavík

Keflavík heldur áfram sigurgöngu sinni í deildinni og deilir toppsætinu með KR eftir öruggan sigur á Skallagrími í Borgarnesi 96-67.

Darrel Lewis skoraði 20 stig fyrir gestina og Guðmundur Jónsson 14 stig. Grétar Ingi Erlendsson skoraði 19 stig og tók 12 fráköst fyrir Skallagrím.

Keflavík hefur fullt hús stiga eftir sex umferðir en Skallagrímur er í botnbaráttu með aðeins tvö stig.

Skallagrímur: Grétar Ingi Erlendsson 19/12 fráköst, Egill Egilsson 18/4 fráköst, Orri Jónsson 12/9 stoðsendingar/6 stolnir, Davíð Guðmundsson 6, Trausti Eiríksson 5/12 fráköst, Sigurður Þórarinsson 5, Davíð Ásgeirsson 2.

Keflavík: Darrel Keith Lewis 20, Guðmundur Jónsson 14/5 stolnir, Michael Craion 13/12 fráköst, Gunnar Ólafsson 11, Þröstur Leó Jóhannsson 11, Arnar Freyr Jónsson 9/5 fráköst/7 stoðsendingar, Valur Orri Valsson 7, Almar Stefán Guðbrandsson 6/6 fráköst, Hafliði Már Brynjarsson 5.