Lostprophets söngvarinn Ian Watkins játar sekt í ógeðslegu barnaníðsmáli

Velski söngvarinn Ian Watkins, sem er hvað þekktastur fyrir söng í hljómsveitinni Lostprophets, hefur játað sekt sína vegna afar grófs kynferðisofbeldis gegn ungabörnum.

Hinn 36 ára gamli Watkins hefur ávallt haldið fram sakleysi sínu í málinu en í dag mætti hann fyrir dómara og játaði sekt sína í málinu. Watkins lýsti jafnframt yfir algjöru minnisleysi þegar að hann var spurður um myndbandsupptökur sem fundust af verknaðinum.

Ákæran fjallar m.a. um óviðeigandi snertingu á 11 mánaða ungabarni og hvernig Watkins hvatti kvenkyns aðdáenda til að misnota barn sitt í spjalli í gegnum vefmyndavél.

Watkins játaði einnig að hafa haft í fórum sínum afar gróft barnaklámsefni sem og efni sem sýndi dýraníð. Hann neitar þó enn sök fyrir að hafa nauðgað barninu þó svo að það hafi verið meiningin hjá honum.

Ásamt Watkins eru tvær konur ákærðar í málinu, 21 árs og 24 ára en þær hafa ekki verið nafngreindar enn sem komið er.

Búist er við að dómur í þessu viðbjóðslega máli verður kveðinn upp þann 18.des.