Veiðimaðurinn og Söluskrá SVFR komin út

Nýjasta tölublað Veiðimannsins er komið út en þetta er 197. tölublað þessa skemmtilega málgagns veiðimanna en blaðið er eins og venjulega fullt af fróðleik og góðum ráðum fyrir alla sem stunda veiði.

Í blaðinu er meðal annars viðtal við Óla Kr., rætt er við "stórlaxadanann" Nils Folmer Jörgensen, Egill Gudjohnsen segir frá skemmtilegum veiðiatvikum, Stefán Jón Hafstein gefur veiðiráð o.fl.  Eins má geta þess að söluskrá SVFR er komin út en þetta er einmitt árstíminn sem margir félagsmenn SVFR nota til að fara yfir það sem á að bóka fyrir næsta sumar.  Hvert straumur félagsmanna liggur er erfitt að segja en að venju má reikna með að mikið verði bókað í Sogið, Langá og eins Steinsmýrarvötn en þau eru ný hjá félaginu.  Veiðin þar hefur verið mjög góð og svæðið hentar öllum til veiða, er aðgengilegt og fjölskylduvænt.  Úthlutanir far fram á nýju ári og að þeim loknum eru leyfi seld á almennum markaði.