Allir leikmenn Real Madrid á Audi

Finnur Thorlacius skrifar 16. desember 2013 11:23

Christiano Ronaldo tekur á móti Audi RS6 bíl sínum.

Þeir eru öfundsverðir leikmenn knattspyrnuliðs Real Madrid, en félagið hefur átt í samstarfi við þýska bílaframleiðandann Audi í 10 ár og fyrir vikið fá allir leikmenn Real Madrid að velja sér Audi bíla að eigin skapi.

Val leikmannanna er æði misjafnt en 12 þeirra hafa valið sér að aka um á jeppanum Audi Q7 og allir þeirra eru með dísilvél. Þó hafa sumir leikmenn þörf fyrir fleiri hestöfl, til að mynda Christiano Ronaldo sem valdi sér Audi RS6 bíl með 552 hestafl vél.

Afhending bílanna fór fram seint í síðasta mánuði og á myndinni sést Ronaldo með nýja bílinn sinn. Hann ætti að verða snöggur á æfingar á svo aflmiklum bíl.

Leikmaðurinn Jesús Fernándes virðist ekki gera miklar kröfur um afl eða stærð síns bíls því hann valdi að aka um á Audi A3 Sportback með 2,0 lítra dísilvél. Hann hlýtur að hugsa með umhverfisvænum hætti því þessi bíll er mjög sparneytinn á eldsneyti. Hér sést hvaða bílgerðir leikmenn Real Madrid völdu sér.

IIker Casillas:    Audi Q7 3.0 TDI

Cristiano Ronaldo: Audi RS6 Avant

Gareth Bale:    Audi Q7 3.0 TDI

Sergio Ramos: Audi RS5

Carlo Ancelotti:    Audi A8 4.2 TDI

Pepe:    Audi Q7 3.0 TDI

Marcelo:    Audi Q7 3.0 TDI

Xabi Alonso:    Audi S7

Isco: Audi Q7 3.0 TDI

Álvaro Arbeloa: Audi SQ5

Karim Benzema: Audi SQ5

Diego López:    Audi Q5 3.0 TDI

Asier Illarramendi: Audi Q7 3.0 TDI

Fabio Coentrao: Audi Q7 3.0 TDI

Sami Khedira:    Audi Q7 3.0 TDI

Rafael Varane: Audi S3 Sportback

Carvajal: Audi Q5 3.0 TDI

Álvaro Morata:    Audi SQ5

Ángel Di María: Audi Q7 3.0 TDI

Casemiro: Audi A7 Sportback 3.0 TDI

Jesé:    Audi Q7 3.0 TDI

Nacho:    Audi Q7 3.0 TDI

Luca Modric:    Audi Q7 3.0 TDI

Jesús Fernández: Audi A3 Sportback 2.0 TDI