Gott vöruval og lausnir hjá INNNES

Hröð þjónusta og góð persónuleg samskipti við viðskiptavini eru markmið okkar hjá Innnes. Við erum eitt teymi og leggjum okkur fram um að vera fremst í flokki á markaðnum,“ segir Leifur Örn Leifsson, framkvæmdastjóri fyrirtækjasviðs hjá innflutnings- og heildsölufyrirtækinu Innnes ehf.

Á fyrirtækjasviði eru um fimmtán manns í beinum samskiptum við viðskiptavini hverju sinni. „Við þjónustum allt landið og erum meðal annars með starfsstöð á Akureyri sem sinnir Norðurlandi. Sölufulltrúar okkar eru flestir menntaðir og þjálfaðir á sviði matargerðar. Í okkar teymi eru meðal annars matreiðslumenn, matreiðslumeistarar, bakarar, kjötiðnaðarmenn og matvælaiðnfræðingar. Fagmenntunin er því á víðum grunni og sölumenn með víðtæka þekkingu á sínu sviði,“ segir Leifur. „Söluteymi heimsækir viðskiptavini daglega, viku- og/eða mánaðarlega eftir því sem við á meðan sölufulltrúar okkar á sölu- og þjónustuborði sinna sölu- og þjónustusímtölum frá viðskiptavinum.

Við bjóðum mjög fjölbreytt vöruval og lausnir sem henta flestum viðskiptavinum á stóreldhúsa- og veitingahúsamarkaði. Þar má meðal annars nefna að Innnes er eigandi Selecta á Íslandi, sem er markaðsleiðandi í drykkjarlausnum fyrir vinnustaði. Þá er Innnes til dæmis eina heildsalan sem býður ferskt grænmeti.“ Nánari upplýsingar er að finna á heimasíðu fyrirtækisins