Uppselt í Hítará

Veiðileyfasala gengur mun betur fyrir komandi sumar heldur en í fyrra og er svo komið að uppselt er í margar vinsælli árnar.

Hítará sem dæmi, hefur alltaf verið vinsæl hjá félagsmönnum SVFR og félagsmenn hafa gjarnan notað A leyfin til að eiga sem mesta möguleika á leyfi í ánni. En það er greinilegt að umsóknarþunginn hefur verið gríðarlega mikill því samkvæmt okkar heimildum eru allar stangir seldar fyrir sumarið.

Hjá SVFR hefur gengið mjög vel að selja veiðileyfi og eins er mikil sala hjá Lax-Á og Hreggnasa. Eftirspurn eftir 2-3 stanga ám er mikil og það er greinilegt að einhver breyting er að verða á því hvernig íslenskir veiðimenn bóka sína veiði.

Erlendum veiðimönnum er farið að fjölga aftur og skýrir það að hluta til aukna sölu á veiðileyfum en fyrir utan þann hóp sem kemur hingað til að veiða lax er líka mikil fjölgun hjá erlendum veiðimönnum sem koma til landsins ganggert til að stunda ódýra vatnaveiði.