Þráðlaus hleðsla rafmagnsbíla Volkswagen árið 2017

Volkswagen framleiðir nú meðal annars Golf og up! sem ganga eingöngu fyrir rafmagni og þurfa eigendur þeirra að setja þá í samband við heimilisrafmagns með rafmagnssnúru.

Árið 2017 stefnir í það að eigendur slíkra bíla þurfi ekki einu sinni að setja bíla sína í samband heldur leggja þeim fyrir utan hjá sér fyrir ofan þar til gerðan búnað sem sér um að hlaða bílana án snúru.

Þessi búnaður er þó ekki gefins, enginn bílaframleiðandi býður slíkan búnað enn, en fyrirtækið Evatran hefur framleitt slíkan búnað til hleðslu á bílunum Nissan Leaf og Chevrolet Volt og kostar hann 3.000 dollara, eða um 340.000 krónur.

Toyota hefur einnig verið að prófa svona búnað til hleðsu á Prius bílum sínum í Japan. Vonandi verður þessi búnaður ódýrari þegar hann kemur til fjöldaframleiðslu og sölu hjá stóru bílaframleiðendunum.