Jón Gnarr á NBC: „Að verða forseti? Ég útiloka það ekki“

Jón Gnarr, fyrrum borgarstjóri sagðist, í viðtali á vef bandarísku fréttastofunnar NBC, ekki útiloka að bjóða sig fram til forseta. Jón var gestur þáttarins Meet the Press á föstudaginn og var þar fjallað um borgarstjóraferil Jóns, Besta flokkinn og nýja bók sem hann er að skrifa.

Í lok þáttarins var hann spurður hvort hann útilokaði að bjóða sig fram til æðri embætta en borgarstjóra í framtíðinni. „Að verða forseti? Ég útiloka það ekki,“ var svar Jóns áður en hann skellti upp úr.

Í viðtalinu var víða komið við og lýsti Jón upplifun sinni, hvernig það var að taka þátt í pólitísku starfi. Hann sagðist hafa getað tekið pólitíska áhættu með nauðsynlegum gjaldskrárhækkunum, eitthvað sem hefðbundnir stjórnmálamenn hefðu ekki þorað að gera.

Jón var í þættinum til að auglýsa bók sem hann skirfaði og heitir Gnarr! How I Became the Mayor of a Large City in Iceland and Changed the World.

Hér að neðan má sjá viðtalið í heild sinni.

Visit NBCNews.com for breaking news, world news, and news about the economy