Veiði

Sjöundi ættliður leiðsögumanna í Laxá

Karl Lúðvíksson skrifar
Hilmar hinn ungi leiðsögumaður með Lillu Rowcliffe við Nes
Hilmar hinn ungi leiðsögumaður með Lillu Rowcliffe við Nes
Það er oft heilmikið verk að vera leiðsögumaður í laxveiði og þeir bestu í þeim bransa hafa oft áratugi af reynslu á bakinu.

Svo er nú ekki með ungann mann á Nessvæðinu við Laxá í Aðaldal en þessi efnilegi leiðsögumaður stefnir á að verða sjöundi ættlliður leiðsögumanna.  Hilmar Þór Árnason er sonur Árna Péturs Hilmarssonar leiðsögumanns og staðarhaldara á Nesi og á því stutt að sækja veiðidelluna.  Árni er forfallinn veiðimaður og er staðráðinn í að verða leiðsögumaður eins og pabbi sinn og fær að fara með honum að gæda af og til þegar vel hentar.  Þannig tækifæri knúði einmitt dyra þegar veiðikona sem hefur veitt við Nes í 25 ár kom í sinn árlega veiðitúr.  Heiðurskona þessi heitir Lilla Rowcliffe og er dóttir stofnanda Shell.  Lilla er 90 ára gömul og ferðast um allan heim til að veiða.  Hinn ungi Hilmar Þór fór tvær vaktir út með föður sínum og Lillu og á þeim báðum landaði hún laxi.  Hún var því sannfærð um að hann færði henni gæfu og vill helst alltaf hafa hann með.  Það er því nokkuð víst að þeir sem heimsækja Nes til veiða eiga eftir að sjá meira af þessum unga efnilega leiðsögumanni. 

Stangveiði

Mest lesið




×

Mest lesið