Innlent

Mikill gufustrókur frá Holuhrauni

Stefán Ó. Jónsson skrifar
Alls hafa um 250 jarðskjálftar mælst frá miðnætti við eldgosið í Holuhrauni en litlar breytingar urðu á eldhræringunum í nótt.

Engin sprengjuvirkni hefur mælst það sem af er gosi og er eldgosið því enn flokkað sem hraungos. Stöðugur hraunflaumur er úr gossprungunni í Holuhrauni.

Veðrið sem geisaði í gær hefur nú slotað og er skyggni gott. Myndir úr vefmyndavél Mílu af gos­inu sýnir að það er enn tölu­verður gufustrók­ur og því litlar breytingar frá því í gærkvöldi.

Gosóri var lítill í nótt og mælast stærstu skjálftarnir enn við Bárðarbungu, sá stærsti 4,5 stig sem átti upptök sín 5,3 kílómetra norðaust­ur af fjallinu um klukkan fimm í morgun.

Annar skjálfti af stærðinni 4,2 mældist þegar klukkan var níu mínútur gengið í fjögur, en upptök hans voru 5,2 kílómetra aust-suðaustur af Bárðarbungu. Þá varð minni skjálfti, um 3,9 stig, klukkan 2:25 í nótt, 4,4 kílómetra norðaustur af Bárðarbungu.

Dregið hefur úr skjálftavirkni að undanförnu vegna þrýstingslosunar sem hefur átt sér stað í kjölfar eldgossins.

Á Öskju­svæðinu eru stærstu skjálft­arn­ir í Herðubreiðartögl­um, sá sterk­asti 2,9 stig. 

Bárðarbunga

Tengdar fréttir

Meiri líkur á eldgosi í Bárðarbungu

Gosið sem varð í Bárðarbungu á laugardaginn fyrir viku var margfalt stærra en gosið sem varð í gær. Þrír stórir jarðskjálftar mældust í nótt og er nú talið mun líklegra en áður að eldgos hefjist í Bárðarbungu.

Gos hafið að nýju

Af vefmyndavél Mílu má glögglega sjá að gos er hafið að nýju í Holuhrauni norðan Dyngjujökuls, á sama stað og gos hófst aðfaranótt föstudags.

Sérfræðingur Veðurstofunnar: Sprungan er nokkur hundruð metra löng

"Það sem við vitum núna er að við höfum fengið staðfestingu um eldgos í gegnum vefmyndavélar ,“ segir Melissa Anne Pfeffer, sérfræðingur á sviði ösku- og efnadreifingar, í samtali við Vísi í nótt en hún var stödd í höfuðstöðvum Veðurstofu Íslands.

Fundað í samhæfingarmiðstöðinni

Á annan tug manns eru mættir til vinnu í Samhæfingarmiðstöð almannavarna í Skógarhlíð sökum þess að eldgos er hafið í Holuhrauni á milli Dyngjujökuls og Öskju norðan við Vatnajökul.

Fundu brunalykt alla leið upp í þyrluna

Fögur gígaröð hefur myndast undan sporði Dyngjujökuls eftir stutt eldgos sem þar varð í nótt. Kristján Már Unnarsson flaug yfir gosstöðvarnar í dag og lýsir hér því sem fyrir augu bar.

„Mjög fallegt sprungugos“

Þorbjörg Ágústsdóttir doktorsnemi í jarðeðlisfræði var meðal þeirra fyrstu á eldstöðvarnar í Holuhrauni í morgun. Hún segir gosið afar fallegt og að hraunflæðið sé töluvert meira en í gosinu á föstudag.

Sigkatlar gætu verið frá afboðaða gosinu á laugardag

Líklegast er að bráð frá sigkötlum í Vatnajökli hafi runnið til Grímsvatna. Jarðvísindamenn útiloka ekki að ummerki séu komin fram frá því sem Veðurstofan taldi á laugardag vera eldgos. Kvika skríður áfram til Öskju.

Hér er gosið

Myndin er unnin af Ingibjörgu Jónsdóttur hjá Jarðvísindastofnun upp úr gögnum NASA og USGS.

Mest lesið


Fleiri fréttir

Sjá meira


×

Mest lesið