Gosbjarmi og norðurljós á Akureyri

Lítilsháttar næturfrost mældist á nokkrum veðurathugunarstöðum á láglendi í nótt, eða á Grímsstöðum á Fjöllum, Brú á Jökuldal og á Staðarhóli, auk nokkurra stöðva á hálendinu.

Heiðskýrt var á þessum slóðum og nutu Akureyringar og sjálfsagt fleiri norðlendingar í senn, norðurljósa og eldbjarma frá eldgosinu í Holuhrauni í nótt.

Eldstöðvarnar í Holuhrauni eru í ríflega 100 kílómetra fjarlægð frá Akureyri.

Meðfylgjandi myndir tók Jóhannes Sigfússon lögregluþjónn á Akureyri í nótt.