Tilkippileg á túr

Það er gjarnan notað sem grín að „þeim tíma mánaðarins“ fylgir kynlífsbindindi en svoleiðis þarf það alls ekki að vera.

Sögulega (og trúarlega) eru blæðingar taldar skítugar og blátt bann lagt við því að hafa samneyti við konu á túr. Það er bull.

Túrblóð er ekki hættulegt. Né heldur kona sem er á túr.

Fullnæging getur linað tíðarverki og því er í raun ekkert nema jákvætt við sexí túrtíma, hvort sem er ein eða með bólfélaga.

Sumar konur eru graðar á túr og sumar ekki. Það er engin algild regla um þetta ekki frekar en um greddu eða kynhegðun. Stundum er kona gröð, og stundum ekki. Samþykki er jafn mikilvægt á þessum tíma mánaðarins sem og á öllum öðrum dögum.

Stundum er blæðingum stillt þannig upp að konur sé einstaklega geðvondar en hormónalega séð ætti geðvonskan frekar að vera áður en tíðir hefjast (fyrirtíðarverkir) heldur en á meðan á þeim stendur.

Það eru meira að segja til menn sem eru sjúkir í að sofa hjá konum á blæðingum. New York magazine gerði smá úttekt á þessu málið og auðvitað er hægt að fíla þetta eins og hvað annað.

Það er gott að byrja á byrjunnni þegar rætt er um tíðarkynlíf og þá er ágætt að fræða þá sem ekki hafa farið á blæðingar að blóðið sprautast ekki útúr leggöngunum eins og atriði úr Scarface eða Carrie. Það seytlar niður um leggöngin, í mismiklu magni en ekki af ákafa sem ætti að hamla kynferðislegar athafnir.

Nokkur praktísk ráð:

- Hægt er að leggja niður handklæði ef þú vilt ekki fá blóð í rúmfötin en blóði má hæglega ná úr með því að skola fyrst efnið með köldu vatni áður en er þvegið í þvottavél

- Leghálsinn er viðkvæmari á blæðingum svo veldu stellingu sem örva hann ekki of mikið (ef samfarir með typpi eða gervilim eiga sér stað er gott að passa að fara ekki of djúpt) (nema þér þyki það gott)

- Ef kynlíf á sér stað í vatni getur verið gott að nota sleipiefni því vatn þurrkar upp píkuna

- Samkvæmt þyngdarlögmálinu þá getur verið gott að liggja útaf ef markmiðið er að draga úr blóðflæðinu

- Ekki hafa túrtappa inni í leggöngum eða álfabikar ef limur fer inn í leggöngin

- Kona getur orðið ólétt og smitað/smitast af kynsjúkdómum (og það virðist aukin hætta á smiti) svo best er að passa upp á það og nota smokkinn ef þú stundar kynlíf með typpi