10 bestu bílvélarnar

Bílatímaritið WardsAuto í Bandaríkjunum hefur valið þær 10 bílvélar sem blaðið telur þær bestu frá bílaframleiðendum heimsins í ár. Aðeins er valið á milli nýrra véla eða véla sem hafa verið endurbættar og mega þær ekki vera í bílum sem kosta meira en 60.000 dollara.

Það sem máli skiptir við valið á þessum vélum er afl, tog, vélartækni, eyðsla, hljóð, þýðgengi, fágun og samkeppnishæfni í vélarflokki.  Á meðal þessara 10 véla eru 6 með forþjöppu, ein með keflablásara, ein þeirra er rafmagnsmótor og ein vetnisvél. Þá stendur aðeins ein vél eftir sem talist gæti hefðbundin „naturally aspired“ bílvél og er hana að finna í Chevrolet Corvette Stingray.

Hér er listi yfir vélarnar 10 og í hvaða bílum þær má finna.

BMW i3 -127 kW rafmótor

Ford Fiesta – 1,0 l. og 3 strokka DOHC vél með forþjöppu

Chevrolet Corvette Stingray – 6,2 l. OHV V8

Dodge Challenger SRT Hellcat – 6,2 l. OHV V8 með keflablásara (707 hestöfl)

Hyundai Tucson FCV – 100 kW vetnisvél

Mini Cooper – 1,5 l. og 3 strokka DOHC vél með forþjöppu

Ram 1500 EcoDiesel – 3,0 l. DOHC V6 vél með forþjöppu

Subaru WRX – 2,0 l. DOHC H-4 vél með forþjöppu

Volkswagen Jetta – 1,8 l. og 4 strokka DOHC vél með forþjöppu

Volvo S60 – 2,0 l. og 4 strokka DOHC vél með forþjöppu

Valið verður á milli þessara 10 véla og vél ársins kosin þann 14. janúar á bílasýningunni í Detroit.