Mazda og Citroën bílar lækka í verði

Mazda á Íslandi og Citroën á Íslandi hafa lækkað verð á öllum nýjum bílum vegna fyrirhugaðra breytinga á virðisaukaskatti sem taka gildi 1. janúar næstkomandi.  Við breytingarnar lækkar virðisaukaskatturinn úr 25,5% í 24% sem þýðir um 1,2% lækkun á verði nýrra bíla. Þess má geta að hlunnindaskattur lækkar einnig sem þessu nemur. 

Sem dæmi um verðlækkun nýrra Mazda bíla má nefna Mazda CX-5 sem var á 5.590.000 kr. en er nú frá 5.490.000 kr. Eins má nefna Mazda2 sem var á verði frá 2.190.000 kr. en er nú frá 2.150.000 kr. Mazda3 var áður frá 3.190.000 kr. en er nú frá 3.140.000 kr. Citroën á Íslandi hefur lækkað verð á bæði fólksbílum og sendibílum.

Sem dæmi um Citroën fólksbíla má nefna Citroën C4 Cactus sem var á 2.830.000 kr. en er nú frá 2.690.000 kr. Eins má nefna 7 manna Citroën Grand C4 Picasso sem var á verði frá 4.390.000 kr. en er nú á 4.330.000 kr. Citroën C3 var áður frá 2.250.000 kr. en er nú frá 2.190.000 kr. Eins og sjá má er verðlækkunin í einhverjum tilfellum meiri en 1,2%.

Sendbílalína Citroën lækkar einnig en sem dæmi má nefna að ódýrasti sendibíllinn á markaðnum Citroën Nemo dísil lækkar úr 2.590.000 kr. m.vsk í 2.550.000  kr. m.vsk. og Citroën Berlingo lækkar úr 2.990.000 kr. m.vsk í 2.950.000 kr. m.vsk. Brimborg hvetur áhugasama að líta við í reynsluakstur og njóta góðs af verðlækkunum. Brimborg tekur allar tegundir bíla upp í nýja bíla.