Takk fyrir mig! Haukur Viðar Alfreðsson skrifar 14. apríl 2014 08:57 Fyrir rúmu ári hóf ég verkefni sem loksins sér fyrir endann á; að horfa á hvern einasta Simpsons-þátt sem gerður hefur verið og reyna að koma auga á það nákvæmlega hvenær þættirnir „hoppuðu yfir hákarlinn“. Það orðatiltæki má rekja til bandarísku þáttaraðarinnar Happy Days, þegar ein af aðalsöguhetjum hennar stökk yfir hákarl á sjóskíðum. Þótti atriðið svo yfirgengilega bjánalegt að meira að segja hörðustu aðdáendur sneru baki við þáttunum. Ég man ennþá eftir því þegar ég fór fyrr heim af diskóteki í skólanum til þess að missa ekki af Simpsons. Árið var 1990 og heimurinn hafði aðeins fengið eina seríu af þessum sniðugu teiknimyndum sem engan grunaði að yrðu enn í framleiðslu árið 2014. Þið vitið, árið þar sem allir eru á flugbílum. Ég er kominn í átjándu seríu í áhorfi mínu og er enn ekki farið að leiðast. Gæðin minnkuðu töluvert eftir fyrstu tíu seríurnar, og einn og einn þáttur er vissulega hræðilega ófyndinn, en það er ennþá stuð í Springfield. Það áhugaverðasta við áhorfið er hins vegar að uppgötva hvað þættirnir hafa kennt mér og minni kynslóð margt. Ekki aðeins um bandarískan poppkúltúr heldur einnig um listina, pólitík, mannkynssögu og annað, misgagnlegt auðvitað. Svo ekki sé minnst á þá ómetanlegu enskukennslu sem þættirnir veittu mér á yngri árum. Takk kærlega fyrir mig. Ég held ég geti fullyrt að líf mitt væri öðruvísi ef ekki væri fyrir fólk eins og Hómer Simpson, Ned Flanders og Apu Nahasapeemapetilon. Og ég er ekki einn um það. Íslenskir Simpsons-aðdáendur hafa rottað sig saman á Facebook í grúppunni Æ on Springfield. Meðlimir eru rúmlega þúsund og skeggræða þeir mikilvægu málin. Er Gil ofnotaður? Af hverju eru Lísuþættir leiðinlegri en aðrir þættir? Hvað heitir kaldhæðni maðurinn með yfirskeggið? Hoppuðu Simpsons yfir hákarlinn þegar í ljós kom að Skinner skólastjóri heitir í raun Armin Tamzarian? Kíkið í heimsókn og þið fáið svör við þessu öllu. Viltu birta grein á Vísi? Sendu okkur póst. Senda grein Haukur Viðar Alfreðsson Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Íslenskir flóttamenn - í okkar eigin landi Gunnar Magnús Diego Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Magga Stína! Helga Völundardóttir Skoðun Transumræðan og ruglið um fjölda kynja Einar Steingrímsson Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Fyrir rúmu ári hóf ég verkefni sem loksins sér fyrir endann á; að horfa á hvern einasta Simpsons-þátt sem gerður hefur verið og reyna að koma auga á það nákvæmlega hvenær þættirnir „hoppuðu yfir hákarlinn“. Það orðatiltæki má rekja til bandarísku þáttaraðarinnar Happy Days, þegar ein af aðalsöguhetjum hennar stökk yfir hákarl á sjóskíðum. Þótti atriðið svo yfirgengilega bjánalegt að meira að segja hörðustu aðdáendur sneru baki við þáttunum. Ég man ennþá eftir því þegar ég fór fyrr heim af diskóteki í skólanum til þess að missa ekki af Simpsons. Árið var 1990 og heimurinn hafði aðeins fengið eina seríu af þessum sniðugu teiknimyndum sem engan grunaði að yrðu enn í framleiðslu árið 2014. Þið vitið, árið þar sem allir eru á flugbílum. Ég er kominn í átjándu seríu í áhorfi mínu og er enn ekki farið að leiðast. Gæðin minnkuðu töluvert eftir fyrstu tíu seríurnar, og einn og einn þáttur er vissulega hræðilega ófyndinn, en það er ennþá stuð í Springfield. Það áhugaverðasta við áhorfið er hins vegar að uppgötva hvað þættirnir hafa kennt mér og minni kynslóð margt. Ekki aðeins um bandarískan poppkúltúr heldur einnig um listina, pólitík, mannkynssögu og annað, misgagnlegt auðvitað. Svo ekki sé minnst á þá ómetanlegu enskukennslu sem þættirnir veittu mér á yngri árum. Takk kærlega fyrir mig. Ég held ég geti fullyrt að líf mitt væri öðruvísi ef ekki væri fyrir fólk eins og Hómer Simpson, Ned Flanders og Apu Nahasapeemapetilon. Og ég er ekki einn um það. Íslenskir Simpsons-aðdáendur hafa rottað sig saman á Facebook í grúppunni Æ on Springfield. Meðlimir eru rúmlega þúsund og skeggræða þeir mikilvægu málin. Er Gil ofnotaður? Af hverju eru Lísuþættir leiðinlegri en aðrir þættir? Hvað heitir kaldhæðni maðurinn með yfirskeggið? Hoppuðu Simpsons yfir hákarlinn þegar í ljós kom að Skinner skólastjóri heitir í raun Armin Tamzarian? Kíkið í heimsókn og þið fáið svör við þessu öllu.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun