Bílar

19 milljarðar fyrir 10 gamla bíla

Finnur Thorlacius skrifar
Dýrasti bíll í heimi. Þessi Ferrari 250 GTO frá 1962 seldist á 4,8 milljarða króna.
Dýrasti bíll í heimi. Þessi Ferrari 250 GTO frá 1962 seldist á 4,8 milljarða króna.
Á nýliðnu ári var sett met í sölu eldri bíla sem boðnir voru upp í uppboðshúsum sem sérhæfa sig í sölu eldri bíla. Aldrei hefur einn bíll selst fyrir meira fé en í ár, en í Bonhams uppboðshúsinu í Monterey í Bandaríkjunum seldist Ferrari 250 GTO af árgerð 1962 fyrir 38.115.000 dollara, eða 4,8 milljarða króna.

Af þeim 10 bílum sem seldust fyrir hæstu upphæðirnar á árinu voru 9 þeirra af gerðinni Ferrari. Það var einungis bíllinn í 10. sætinu sem ekki var af Ferrari gerð, en Ford GT40 Prototype seldist fyrir 880 milljónir króna á uppboði.

Næst dýrasti bíllinn sem seldist á árinu var Ferrari GTB/C Speciale af árgerð 1964 en fyrir hann fékkst 26.400.000 dollarar, eða ríflega 3,3 milljarðar króna. Sá í þriðja sætinu var Ferrari 375-Plus Spider Competizione og seldist hann á 18.400.177 dollara og það samsvarar 2,3 milljörðum króna.

Það að 9 dýrustu bílarnir séu af Ferrari gerð sýnir glögglega hve góð kaup geta verið í Ferrari bílum, sem ekki bara halda verði sínu vel heldur margfalda í mörgum tilvikum virði sitt með árunum. 

Mest lesið




×

Mest lesið