Gott þol er grunnurinn

Gott þol skiptir höfuðmáli þegar kemur að hlaupaíþróttinni og gerir þar að auki íþróttina miklu skemmtilegri og árangursríkari. Þolið er þeim ókostum gætt að það getur farið jafnskjótt og það kom ef að það er ekki nýtt til góðra nota. Eftirfarandi ráð er gott að hafa í huga þegar byrjað er að hlaupa og markmiðið er að ná árangri.

Veldu réttu skónna

Góðir hlaupaskór eiga ekki bara að vera í stíl við afganginn af útlitinu heldur eiga þeir að auðvelda þér lífið á hlaupum. Óvandaðir íþróttaskór geta valdið meiðslum og öðrum leiðindum. Það eru ástæður fyrir því að það eru framleiddir hlaupaskór en ekki bara strigaskór.

Hitaðu upp

Margir byrjendur í íþróttinni eru yfir sig spenntir og drífa sig beint út að hlaupa án þess að hita upp. Þeir sem að sleppa því geta átt von á óvæntum meiðslum og þar af leiðandi dæmdir úr leik í fyrstu atrennu. Gangtu rösklega í fimm mínútur, teygðu aðeins úr þér og hrisstu áður en að þú byrjar að skokka

Slakaðu á

Já, slakaðu á og andaðu eðlilega. Hugsaðu um öndunina. Stress og grunn öndun ræna þig orkunni og þar af leiðandi þolinu.

Góðir hlutir gerast hægt

Byggðu upp þolið smám saman. Það er ágætis þumalputtaregla að bæta 10% við hlaupalengdina vikulega. Ekki ofkeyra þér!

Jafnaðu þig

Þó að þú takir þér smá hvíld þá þýðir það ekki að þú sért búin að gefast upp. Það er nauðsynlegt að leyfa líkamanum að hvíla sig og þá jafnvel stunda aðrar íþróttir þess á milli, svosem léttar lyftingar.