Erótískur leslisti

Nú keppast miðlar eins og Elle og Nerve að taka saman leslista um erótík sem gott er að ylja sér við þegar úti er frost og stinningskuldi.

Þó þú hafir gefist upp á ónefndum skuggum í fleirtölu þá er ekki þar með sagt að erótík og kynlíf í skáldskap sé alltaf illa skrifað.

Erótíkin drýpur af eftirfarandi bókum:

- Les liasons dangereuse eftir Pierre Ambroise Laclos fjallar um ástar og kynlífsþríhyrning sem byggir á veðmáli tveggja yfirstéttar einstaklinga um hver geti komist yfir hvern. Bókin hefur einnig verið gerð að samnefndri bíómynd og veitti innblástur fyrir unglingamynd. 



- Tropic of Cancer eftir Henry Miller er bók sem var lengi vel bönnuð í Bandaríkjunum fyrir kynferðislegt innihald en er af mörgum talin ein af sígaldari verkum í erótík.

- The sexual life of Catherine M. eftir Catherine Millet er sjálfsævisöguleg frásögn af kynferðislegum ævintýrum höfundarins. Bókin er klúr og komst fljótt á metsölulistann í Frakklandi.

- Delta of Venus eftir Anais Nin er samansafn smásagna af kynlífsævintýrum sem var skrifað fyrir safnara. Bókin er að mati margra er eitt af meistaraverkum bókmenntalegrar erótíkur. Bíómynd hefur verið gerð eftir bókinni.

- The story of O eftir Pauline Réage er ein af heilagri ritningum um margslungna heima BDSM svo ef bindingar og flengingar kitla þig þá er þetta pottþétt bók sem á heima á náttborðinu þínu. Ef þú nennir ekki að lesa þá er einnig búið að gera bíómynd eftir þessari bók.

- Lady Chatterleys lover eftir D.H. Lawrence fjallar um framhjáld kvæntrar konu. Eins og með aðrar erótíkur þá rataði þessi á hvíta tjaldið.

- Fanny Hill / Memoirs of a woman of pleasure eftir John Cleland er bók sem var bönnuð þegr hún kom út en sagan fjallar um líf og kynferðislegar upplifanir Fanny Hill.