Bílar frá "ekki-bílaframleiðendum“

Nú þegar rætt er um að Apple hyggist framleiða bíla er forvitnilegt að skoða hvaða framleiðendur sem ekki hafa framleitt áður bíla og er eru þekktir fyrir aðra framleiðslu hafa sett bíla á markað og hvernig þeim vegnaði.

Stóra vöruhúsið Sears í Bandaríkjunum setti þennan Kaiser-Frazer bíl á markað snemma á sjötta áratug síðustu aldar. Ekki seldist hann vel og framleiðslunni var hætt eftir aðeins tvær árgerðir af bílnum. Kaiser-Frazer var reyndar bílaframleiðandi sem stofnaður var uppúr seinna stríði og framleiddi nokkrar gerðir bíla en var selt til American Motors Corporation árið 1963 sem síðan var keypt af Chrysler árið 1987. Sears seldi hinsvegar þennan Kaiser-Frazer bíl þessi 2 ár en gekk lítið þrátt fyrir lágt verð hans.

Hunslet og Fuldamobil

Hunslet Engine company framleiddi einnig þriggja hjóla bílinn Scootacar milli áranna 1957 og 1964, en fyrirtækið framleiddi aðallega lestir. Bíllinn var framleiddur þar sem eiginkona eins af stjórnendum fyrirtæksins vildi eignast bíl sem væri auðveldara að leggja en Jaguar bíllinn sem hún átti. Það varð til fjöldaframleiðslu hans en aðeins voru framleiddir um 1.000 bílar og er það til vitnis um eftirspurnina eftir bílnum knáa.

Fuldamobil var framleiddur af Elektromaschinenbau Fulda GmbH í Þýskalandi, sem var þekkt  fyrir framleiðslu rafgeyma. Bíllinn var framleiddur á árunum 1950 til 1969 en ekki er ljóst hve margir slíkir bílar voru framleiddir. Vafalaust eru bílarnir miklu fleiri sem önnur fyrirtæki en þau sem þekkt eru fyrir bílaframleiðslu hafa sett á markað, en þetta eru bara  þrjú slík dæmi og ef til vill lýsandi fyrir hvernig þeim vegnaði.