Bílar

Bentley sakar Lincoln um hönnunarstuld

Finnur Thorlacius skrifar
Lincoln Continental og Bentley Continental.
Lincoln Continental og Bentley Continental.
Lincoln er nú að kynna nýjan Continental bíl á bílasýningunni í New York og hann hefur ekki glatt forsvarsmenn Bentley í Bretlandi. Þeir vilja meina að margt í hönnun þessa nýja bíls eigi skylt við einn bíl Bentley og svo einkennilega vill til að sá bíll er Bentley Continental.

Bentley menn vilja meina að öll hönnunin kringum hliðarrúður bílsins séu stolnar og á myndum af bílunum tveimur má sjá að Bentley menn hafa sitthvað til síns máls. Bentley hefur framleitt Continental bíl sinn frá árinu 2002, en Lincoln Continental kom fyrst á markað árið 1939, svo saga Lincoln bílsins spannar reyndar mun lengri tíma.

Þessir bílar eru ekki ósvipaðir á stærð og keppa í sama flokki bíla, þ.e. stórra lúxusbíla, þó svo Bentley bíllinn sé mun dýrari og vandaðri. Það er kannski í því ljósi sem Bentley er ekki skemmt. Lincoln er í eigu Ford og Bentley er í eigu Volkswagen.

Þetta er reyndar ekki í fyrsta skipti sem Ford er vænt um hönnunarstuld en árið 2011 sakaði Aston Martin Ford um að stela útliti grillsins á Aston Martin bílum en Fiesta, Focus og Mondeo bílar Ford eru síðan þá með sláandi líkt grill og bílar Aston Martin.

Mest lesið




×

Mest lesið