Einkenni hamingjusams sambands

Á vef tímaritsins Psychology Today var tekin saman listi yfir topp 10 einkenni hamingjusamra sambanda.

Renndu yfir listann og skoðaðu hvar þitt samband stendur í samanburðinum.

1. Þú og maki þinn eru á sömu blaðsíðunni hvað varðar lífsgildi og markmið. Þið þekkið eigin drauma, hvernig þið ætlið að ná þeim og eru staðráðin í að gera það saman.

2. Það ríkir mikið traust á milli ykkar. Þið getið rætt allt saman á opinskáan og heiðarlegan hátt.

3. Þú ert enn einstaklingur og ræktir þig sem slíkan. Það er grundvöllur í góðu sambandi að muna eftir sjálfum sér og vera meira en bara hluti af einhverri annarri manneskju.

4. Þið eyðið gæðastundum saman en einnig í sitthvoru lagi.

5. Þið hvetjið hvort annað til að verða betri manneskjur og þroskast og breytast.

6. Þið gefið ykkur tíma til að ræða málefni sem ykkur þykja mikilvæg, hvort sem það snerti ykkur sem par eða þig sem einstakling, og beitið virkri hlustun.

7. Þið virðið skoðanir hvors annars þó þær séu ólíkar og getið komist að málamiðlun.

8. Þú ert með raunhæfar væntingar til sambandsins en ekki hvað það gæti orðið eða hvernig þú vildir hafa það. Væntingar þurfa vera í takt við raunveruleikann svo sambandið geti gengið upp.

9. Hvort um sig komið þið til borðsins með styrkleika ykkar sem sambandið svo græðir á.

10. Þið virðið fjölskyldu og vini hvors annars en um leið munið að halda heilbrigðri fjarlægð frá slíkum samböndum svo þið séuð nánasta sambandið og önnur standi utan þess.