Heyrnartæki sem hafa vakið heimsathygli

Linx heyrnartækin frá danska heyrnartækjaframleiðandanum ReSound hafa vakið verðskuldaða eftirtekt á helstu fréttaveitum heims.

„Heyrnartækin tengjast þráðlaust við snjallsíma og önnur snjalltæki. Það er hægt að stilla heyrnartækin með appi og opnast þannig nýir möguleikar fyrir heyrnarskerta. Hægt er að aðlaga heyrnartækin að þörfum hvers og eins. Það fer eftir heyrnarskerðingu og lífsstíl notandans hvaða möguleikar eru valdir. Sumir velja að nota appið til að stilla hljóðstyrk á meðan aðrir nota heyrnartækin sem handfrjálsan búnað við símann,“ segir Ellisif K. Björnsdóttir, heyrnarfræðingur hjá Heyrn í Kópavogi.

Hún segir Íslendinga almennt vera frekar kærulausa með að vera í hávaða. „Það er einhver mýta í gangi með að ef fólki líkar við hljóð að þá geti þau ekki skemmt. Það er rangt. Hávaði skemmir heyrnina og ekki er hægt að finna hvenær hljóðstyrkur er orðinn það hár að hann sé farinn að skemma heyrn nema vera með hljóðstyrksmæli. Heyrnarskemmdir eru varanlegar og ekki er hægt að lækna þær.“ 

Heyrnarskerðing á ekki einungis við þá sem eldri eru. Ellisif segir að allir ættu að koma í heyrnargreiningu til að vita stöðuna hjá sér.

„Nú hafa vísindamenn og hönnuðir ReSound bætt um betur með nýju LiNX2 heyrnartækjunum því með þeim heyrist bæði eðlilega og áreynslulaust. Meðal nýjunga í LiNX2 er að þau skerpa talmál, draga úr umhverfisklið og deyfa vindgnauð betur en áður hefur verið gert.“ 

Skynjaðu lifandi tilfinningu fyrir umhverfi og talmáli

Ellisif segir fordóma og fáfræði gagnvart heyrnartækjum vera til staðar en segist ekki skilja af hverju. Heyrnartæki hjálpa fólki með að eiga samskipti við aðra og að taka þátt í samfélaginu.

"Þetta eru bara hjálpartæki. Auk þess eru þau orðin mjög þróuð, orðin lítil og nett, með framúrskarandi hljóðgæði. Nýja (reikniverkið) virknin Binaural Directionality™ II með Spatial Sense™ styður eðlilega hæfileika heilans til að vinna úr hljóðum svo fólk heyrir mun auðveldar. ReSound LiNX2 eru nýjustu heyrnartækin í flokknum Smart Hearing. Með nýju Spatial Sense virkninni fæst eðlileg tilfinning fyrir því hvaðan hljóðið berst og hún hjálpar til við að mynda skýra hljóðmynd af umhverfinu. Í háværu hljóðumhverfi sér Binaural Directionality™ II um að fólk geti þrátt fyrir það skilið hvert orð í venjulegu samtali. Þegar allt kemur til alls þá auka heyrnartæki lífsgæði fólks sem farið er að heyra illa.“

Til að heyrnartækin nýtist sem best er mikilvægt að fá faglega heyrnargreiningu og ráðgjöf hjá heyrnarfræðingi sem aðstoðar við val á heyrnartækjunum. Gott er að fá heyrnartæki til prufu og fá að upplifa umskiptin sem verða þegar þau eru notuð. Allar nánari upplýsingar má finna á heyrn.is og á Facebook.