Píkuprump

sigga dögg skrifar 9. júní 2015 11:00

Eitt af því sem margir telja með því vandræðalegra að geti komið fyrir í kynlífi með annarri manneskju er píkuprump.

Píkuprump er lyktarlaust prump sem kemur úr píkunni við kynferðislega örvun með fingrum, kynlífstæki eða lim. Við innsetningu í leggöng er lofti ýtt inn og þegar viðkomandi utanaðkomani hlutur er fjarlægður getur komið prump.

Þetta er skaðlaust en getur verið hávært og að mati margra, vandræðalegt.

Í hvert sinn sem loft fer inn í píkuna þá þarf það að komast út.

Það er hægt að píkuprumpa án innsetningar hluta og við sumar athafnir þegar grindarbotninn er spenntur getur loft sogast inn og svo komið prumphljóð þegar loftið fer aftur út.

Sumar hafa meira að segja þjálfað þetta og beislað prumpið í hljómfagra flautu.

Þó ber að taka sérstaklega fram að aldrei skal blása lofti upp í leggöng því það getur verið stórhættulegt, sérstaklega á meðgöngu.

Heilsa

Tengdar fréttir

Píkuprump og logandi sleipiefni

Kynlíf er ógeðslega fyndið. Pældu aðeins í því; píkuprump, rassaprump, sogblettur á hökunni, sleipiefni sem fær kynfærin til að loga, stuna sem vekur nágrannana, kjálki sem smellist í og úr lið, smokkur með væmnu gervibragði, skapahár á tungunni, týndur lykill að handjárnum, elskhugi sem vill láta öskra nafn sitt, blautur blettur í rúminu og svo typpi sem missir reisn.

22. júní 2012 17:00