Þverá hefur gefið flesta laxa það sem af er sumri

Nýr listi frá Landssambandi Veiðifélaga gefur ekkert til kynna ennþá hvernig sumarið verður enda er ennþá beðið eftir smálaxagöngunum.

Það sem af er sumri er Þverá/Kjarrá með mestu veiðina eða 171 lax á 14 stangir og þar hefur aukið líf verið að færst í ánna með fylgjandi hækkandi veiðitölum. Norðurá og Blanda koma fast á eftir en þessar þrjár ár eru þær sem opna fyrstar og eiga snemmgengna stofna svo það kemur ekki mikið á óvart. Árnar fóru flestar þokkalega af stað en eins og venjulega detta þær aðeins niður á þessum tíma en það sem sparkar þeim aftur í gang eru eins árs laxagöngurnar sem venjulega fylla árnar af laxi á fáum dögum. Topp 10 listinn er hér að neðan en heildarlistinn frá Landssambandi veiðifélaga er á www.angling.is

Veiðivatn	Dagsetning	Heildarveiði	Stangafjöldi	Lokatölur 2014
Þverá + Kjarará	24. 6. 2015	171	14	1195
Norðurá	24. 6. 2015	155	12	924
Blanda	24. 6. 2015	124	4	1931
Haffjarðará	24. 6. 2015	45	6	821
Miðfjarðará	24. 6. 2015	42	6	1694
Laxá í Aðaldal	24. 6. 2015	21	12	849
Elliðaárnar.	24. 6. 2015	17	6	457
Laxá í Kjós	24. 6. 2015	15	8	605
Vatnsdalsá í Húnaþingi	24. 6. 2015	15	6	765
Víðidalsá	24. 6. 2015	13	8	692