Trúðaskygging nýjasta trendið?

Fyrir stuttu birti förðunar videobloggarinn Belladelune myndband þar sem hún skyggir á sér andlitið með heldur óvenjulegum hætti, og fór myndbandið líkt og eldur í sinu um samfélagsmiðla. 

Það að skyggja andlitið, eða „contouring“ nýtur gríðarlegara vinsæla hjá förðunarfræðingum víða um heim, og þá sérstaklega þeim sem eru á Instagram. Hingað til hefur verið notast við tvo liti, ljósan og dökkan, en nú hefur málið aldeilis flækst. 

Á andlitð er teiknað nokkurskonar trúðsandlit, og til viðbótar við venjulega „contouring“ bætast við bleikir, ferskju og fjólubláir litir til litaleiðréttingar. Litirnir eru svo blandaðir út með svampi.

Þessi aðferð er þó langt frá því að vera ný, þó svo margir haldi að Belladelune hafi fundið upp á þessari skyggingu. Líkt og förðunarmeistarinn Vayne Goss segir í sínu förðunarmyndbandi, þá var það förðunarmeistarinn Joe Blasco sem byrjaði á þessu á sjöunda áratugnum.

En sjón er svo sannarlega sögu ríkari. Þetta trend er komið aftur til að vera í einhvern tíma, svo nú er bara að ná í litina og svampinn og byrja að æfa sig.