Margir mættu að skoða nýjan Audi Q7

Nýr og tilkomumikill Audi Q7 var frumsýndur fyrir fullu húsi í Audi sal HEKLU síðastliðinn laugardag. Stjarna dagsins vakti að vonum mikla lukku meðal gesta enda um glæsilegan farkost að ræða sem beðið hefur verið eftir með ofvæni. Önnur kynslóð Q7 tekur verulega fram fyrirrennaranum hvað varðar hönnun, gæði og tækni.

Þessi flotti lúxusjeppi hefur hlotið mikið lof fyrir einstaka aksturseiginleika og aðstoðarkerfi og hann er hlaðinn tækninýjungum. Bíllinn vakti mikinn áhuga gesta sem skoðuðu hann í krók og kima og það var augljóst að hann féll í kramið.

„Audi Q7 er bíll sem hefur reynst viðskiptavinum okkar afar vel og hann á marga trygga aðdáendur sem þekkja hann aðeins af góðu. Frumsýningin heppnaðist gríðarlega vel, mikill fjöldi fólks kom og það var mikil stemning í Audi salnum,“ segir Jóhann Ingi Magnússon, sölustjóri Audi.