42% aukning í sölu Opel atvinnubíla

Mikil gleði ríkir í herbúðum Opel þessa dagana. Nýjasta samantekt á bílasölu í Evrópu leiðir í ljós að hlutfallsleg söluaukning í septembermánuði er mest hjá Opel.

Í þeim mánuði einum óx hún um 4,7%, eða um 5.200 eintök og leggur sig á 114.100 bíla á ársgrundvelli. Að sama skapi hefur markaðshlutdeild Opel vaxið uppí 6,21%.

„Þessi vöxtur hjá okkur er enn ánægjulegri fyrir þá sök að Opel dró sig út af Rússlandsmarkaði. Við erum líka afar bjartsýnir á komandi tíma með hliðsjón af þeim góðu viðbrögðum sem nýju tegundirnar okkar eru að fá ,“ segir Peter Christian Küspert frá Opel Group.

Samanburður við sama tímabil í fyrra leiðir í ljós að Opel hefur aukið sölu sína í fólksbílum til almennings á 19 markaðssvæðum. Þá hefur atvinnubílahlutinn hjá Opel átt mikilli velgengni að fagna með 42% aukningu í nýskráningum fyrstu níu mánuði ársins. Vinnuþjarkarnir Movano, Vivaro og Combo eru því augljóslega að slá í gegn hjá sínum markhópi.