Metsala Kia á fyrstu níu mánuðum ársins

Kia Motors heldur áfram að slá sölumet á árinu. Suður-kóreski bílaframleiðandinn seldi alls 295.140 bíla í Evrópu á fyrstu níu mánuðum ársins og hefur aldrei selt fleiri bíla á því tímabili í sögu fyrirtækisins.

Kia setti einnig sölumet á þriðja ársfjórðungi og jókst salan þá um 9,7%. Kia seldi í fyrsta skipti í sögu fyrirtækisins meira en 200 þúsund bíla á fyrri helmingi ársins. Sala Kia í Evrópu hefur aukist um 8,3% á þessu ári.

,,Það er mjög ánægjulegt að sjá sölu Kia bíla í Evrópu halda áfram að aukast og fara fram úr okkar björtustu vonum. Loforð Kia um að bjóða upp á gæði, flotta hönnun og 7 ára ábyrgð á bílum sínum sem og framúrskarandi þjónustu hefur greinilega mjög góð áhrif á kaupendur um alla Evrópu sem og víðar um heiminn,” segir Michael Cole, framkvæmdastjóri hjá Kia Motors í Evrópu.

Bretland er sem fyrr stærsti markaður Kia í Evrópu og þar á eftir koma Þýskaland og Spánn. Á Íslandi er hlutdeild Kia 9,4% og er það hæsta markaðshludeild Kia í Evrópu. Kia er annað mest selda merkið hér á landi en alls hafa selst um 1.088 Kia bílar á fyrstu níu mánuðum ársins hér á landi.