Topplaus Optima

Þeir sjást ekki ýkja margir fjögurra dyra blæjubílarnir en Kia ætlar að sýna þennan Kia Optima á SEMA bílasýningunni í Las Vegas í Bandaríkjunum sem hefst brátt. Á SEMA sýningunni er ávallt mikið magn breyttra bíla sem margir hverjir eru ofuröflugir, en aðrir eru það vegna útlitsins og það á við þennan Kia Optima.

Lítil hætta er á að Kia taki uppá því að fjöldaframleiða Optima með blæju en slíkir bílar hafa farið hallloka á síðustu árum og seljast dræmt. Þessi útfærsla á Optima er reyndar allrar athygli verð en það skaðar ekki að Optima er mjög fallega hannaður bíll.

Þessi tiltekni bíll er með 245 hestafla vél, en þannig fæst Optima í Bandaríkjunum þó hann sé ekki í boði í Evrópu. Afturhurðir bílsins opnast öfugt, eins og sést á myndinni hér að ofan. Hann er á 20 tommu felgum sem eykur enn á gæjasvipinn. Kia verður einnig með mikið breyttan Sorento á SEMA sýningunni, en þar ætti að fara afar torfæruhæfur jeppi af myndum af honum að dæma.