Bjarni hættur með ÍR

ÍR-ingar tilkynntu í kvöld að þjálfari körfuboltaliðs félagsins, Bjarni Magnússon, væri hættur.

Bjarni var á sínu öðru tímabili með félagið. Það lenti í 10. sæti í Dominos-deildinni í fyrra og sitja í tíunda sæti deildarinnar núna.

ÍR hefur aðeins unnið tvo af sex leikjum sínum í deildinni og hafa ekki litið vel út.

ÍR-ingar töpuðu síðasta leik sínum í deildinni gegn Haukum með 52 stiga mun og það varð síðasti leikur Bjarna með liðið.

Leit er hafin að eftirmanni Bjarna en næsti leikur ÍR er gegn Njarðvík á miðvikudag.