Þolir ekki sjálfsmyndir á samfélagsmiðlum

Tískukóngurinn sjálfur Karl Lagerfeld er ekki þekktur fyrir að liggja á skoðunum sínum og það gerir hann ekki í viðtali við WWD þar sem meðal annars kemur hvað það er sem Hr. Lagerfeld hatar mest í lífinu, nefnilega sjálfsmyndir. 

"Þessir samfélagsmiðlar, það er eitthvað sorglegt við þá," segir hann. "Er það vegna þess að fólk veit ekki nógu mikið um vini sína og fólk almennt? Ég skil ekki. Þetta er eins og spegill þar sem fólk talar við sjálft sig. Og það sem ég hata mest í lífinu eru þessar sjálfsmyndir."

Það er spurning hvort hann banni fyrirsætum á borð við Gigi Hadid og Kendall Jenner að taka sjálfsmyndir af sér þegar þær sýna fyrir Chanel í framtíðinni en þær stöllur eru hvað frægastar fyrir vinsældir sínar á samfélagsmiðlum.