Vindhraði í gær nærri meti

Veðurofsinn í gær var ansi nálægt því að setja met. Hámarks meðalvindhraði var 50,94 metrar á sekúndu og fór mesta vindhviðan í 72,6 metra á sekúndu en í báðum tilvikum mældist þessi hraði fyrir austan á Hallormsstaðarhálsi nærri Egilsstöðum.

Hámarksvindur í gær var 50.94 m/s og hviðan 72,6 m/s, bæði á Hallormsstaðahálsi. Metið 62,5 og 74,5 #lægðin #glórulaust #DIddú #Veðurlíf

— Birta Líf Kristinsd. (@birtalif) December 8, 2015

Mesti tíu mínútna vindhraði á landinu var mestur 62,5 metrar á sekúndu á Skálafelli 20. janúar árið 1998 klukkan 13. Mesta þriggja sekúndna vindhviðan á landinu mældist 74,5 metrar á sekúndu á Gagnheiði Á Austurlandi 16. Janúar árið 1995 klukkan 4. Hefur þetta veður gjarnan verið kennt við snjóflóðið mannskæða í Súðavík.  Sjá á vef Veðurstofunnar hér.