Gíraðu þig upp með Nike Rvk Run Club

RVK RUN CLUB er skemmtilegt og öðruvísi verkefni sem Nike á Íslandi vann í samstarfi við Kjartan Magnússon ljósmyndara nú á dögunum.

Hugtakið RVK RUN CLUB er slagorð á herferð frá Nike sem  fyrst og fremst á að hvetja fólk til þess að gíra sig upp, sama hvernig viðrar og njóta þess að fara út að hlaupa og kanna borgina sína út frá nýju sjónarmiði.

„Hugmyndin að verkefninu er að frysta tímann en þó að sýna hreyfingu og líf. GIF skrár eru hin fullkomna leið til þess að tjá tíma í ljósmynd og Nike mun koma til með að halda áfram að vinna út frá þessu sjónarspili,“ segir Elfa Arnardóttir, markaðsstjóri NIKE á Íslandi.

Herferðinni er einnig ætlað að sýna nýjustu línu Nike, Holiday 15.

„Hún er frábrugðin hinum þremur línunum sem Nike gefur frá sér á ári hverju að því leiti að fatnaðurinn er að mestu leiti gerður úr svokölluðu Hyperwarm efni sem þýðir að flestar af klassískari flíkum frá merkinu koma nú í hlýrri og þykkari efnum yfir háveturinn. Þessvegna hentar Holiday línan frá Nike íslensku veðurfari einstaklega vel, ekki bara yfir veturinn heldur nýtist hlýrri fatnaður einnig vori og hausti,“ bætir Elfa við.

Í herferðina fengu þau íslenskar íþróttakonur, þær Örnu Stefaníu Guðmundsdóttur, sprett-og grindahlaupara, og Bryndís Rós Björgvinsdóttir fitnesskeppandi.