Dansandi og létt á mörkum forma Magnús Guðmundsson skrifar 28. maí 2015 10:25 Sýningar þeirra Burrows og Fargion þykja sérstaklega skapandi og skemmtilegar. Það eru ófáir skemmtilegir viðburðir sem finna fjalirnar sínar í Tjarnarbíói þetta vorið. Skemmst er að minnast magnaðrar leiksýningar á Endatafli Becketts í samstarfi við Listahátíðina í Reykjavík, víðfrægs leikhóps Jo Strømgren kompani, listdanssýninga, tónlistarviðburða og sitthvers fleira skemmtilegs. Það er því skemmtilega viðeigandi að næstkomandi laugardagskvöld kl. 20 renna ýmis form saman í Tjarnarbíói en þá kynnir Reykjavik Dance Festival í samstarfi við Listahátíð í Reykjavík tvo dúetta eftir listamennina Jonathan Burrows og Matteo Fargion. Ásgerður G. Gunnarsdóttir hjá Reykjavík Dance Festival segir að þeir félagar séu að sönnu á heimsmælikvarða og mikill hvalreki fyrir okkur Íslendinga. „Það er sérstaklega gaman fyrir okkur í dansheiminum að fá hingað tvo karlmenn með sýningu – svona inn í þá flóru þar sem konur eru alla jafna í talsverðum meirihluta. Að auki þá er bakgrunnur þeirra í listum ólíkur og þeir nýta sér það líka til fulls. Burrows er klassískur ballettdansari og starfaði sem slíkur í mörg ár áður en hann sneri sér að kóreógrafíu. Fargion er hins vegar tónskáld sem fékk áhuga á listdansi og fór að sækja sér tíma í kóreógrafíu og þar kynntust þeir félagar. Þeir hafa svo verið að vinna saman allt frá 2002 og hafa verk þeirra notið mikillar hylli víða um heim. Það sem er einkum sérstakt við vinnu þeirra er að þeir vinna mikið út frá handriti og vinna líka mikið með rythma. Allt sem þeir gera er í raun hugsað í stærra samhengi. Fyrir þá sem þekkja ekki verk þeirra er rétt að benda fólki á að þau eru mjög skemmtileg og uppfull af góðum húmor. Verk þeirra leika á mörkum danslistar, tónlistar, „live art“ og kómedíu. Dúettar þeirra eru hnyttnir en á sama tíma ögrandi. Á síðustu tólf árum hafa þeir skapað röð dúetta þar sem þeir blanda saman formlegheitum klassískrar tónlistarsköpunar við opnari og oft anarkískari nálgun og hafa þessi verk skapað þeim gott orðspor á alþjóðavettvangi. Hér í Reykjavík munu þeir sýna elsta dúettinn sinn, Both Sitting Duet, og þann nýjasta, Body Not Fit For Purpose. Both Sitting Duet er frá árinu 2002, þar sem finna má frumlega blöndu af húmor og grimmum gáfum. Með því að sýna elsta og nýjasta verkið gefst áhorfendum því tækifæri til þess að sjá hvernig verk þeirra hafa þróast. Það hafa líka ýmsir íslenskir danshöfundar verið á námskeiðum hjá þeim félögum í gegnum tíðina og því gætir áhrifa þeirra hér eins og víða annars staðar í dansheiminum.“ Listahátíð í Reykjavík Menning Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Það eru ófáir skemmtilegir viðburðir sem finna fjalirnar sínar í Tjarnarbíói þetta vorið. Skemmst er að minnast magnaðrar leiksýningar á Endatafli Becketts í samstarfi við Listahátíðina í Reykjavík, víðfrægs leikhóps Jo Strømgren kompani, listdanssýninga, tónlistarviðburða og sitthvers fleira skemmtilegs. Það er því skemmtilega viðeigandi að næstkomandi laugardagskvöld kl. 20 renna ýmis form saman í Tjarnarbíói en þá kynnir Reykjavik Dance Festival í samstarfi við Listahátíð í Reykjavík tvo dúetta eftir listamennina Jonathan Burrows og Matteo Fargion. Ásgerður G. Gunnarsdóttir hjá Reykjavík Dance Festival segir að þeir félagar séu að sönnu á heimsmælikvarða og mikill hvalreki fyrir okkur Íslendinga. „Það er sérstaklega gaman fyrir okkur í dansheiminum að fá hingað tvo karlmenn með sýningu – svona inn í þá flóru þar sem konur eru alla jafna í talsverðum meirihluta. Að auki þá er bakgrunnur þeirra í listum ólíkur og þeir nýta sér það líka til fulls. Burrows er klassískur ballettdansari og starfaði sem slíkur í mörg ár áður en hann sneri sér að kóreógrafíu. Fargion er hins vegar tónskáld sem fékk áhuga á listdansi og fór að sækja sér tíma í kóreógrafíu og þar kynntust þeir félagar. Þeir hafa svo verið að vinna saman allt frá 2002 og hafa verk þeirra notið mikillar hylli víða um heim. Það sem er einkum sérstakt við vinnu þeirra er að þeir vinna mikið út frá handriti og vinna líka mikið með rythma. Allt sem þeir gera er í raun hugsað í stærra samhengi. Fyrir þá sem þekkja ekki verk þeirra er rétt að benda fólki á að þau eru mjög skemmtileg og uppfull af góðum húmor. Verk þeirra leika á mörkum danslistar, tónlistar, „live art“ og kómedíu. Dúettar þeirra eru hnyttnir en á sama tíma ögrandi. Á síðustu tólf árum hafa þeir skapað röð dúetta þar sem þeir blanda saman formlegheitum klassískrar tónlistarsköpunar við opnari og oft anarkískari nálgun og hafa þessi verk skapað þeim gott orðspor á alþjóðavettvangi. Hér í Reykjavík munu þeir sýna elsta dúettinn sinn, Both Sitting Duet, og þann nýjasta, Body Not Fit For Purpose. Both Sitting Duet er frá árinu 2002, þar sem finna má frumlega blöndu af húmor og grimmum gáfum. Með því að sýna elsta og nýjasta verkið gefst áhorfendum því tækifæri til þess að sjá hvernig verk þeirra hafa þróast. Það hafa líka ýmsir íslenskir danshöfundar verið á námskeiðum hjá þeim félögum í gegnum tíðina og því gætir áhrifa þeirra hér eins og víða annars staðar í dansheiminum.“
Listahátíð í Reykjavík Menning Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira