Miðasalan á Justin Bieber hafin

Miðasalan á aukatónleika Justin Bieber er hafin og hefur verið hleypt inn í stafræna röð í gegnum miðasölukerfi Tix.is. Tónleikarnir fara fram þann 8. september.

Um leið og blaðamaður komst í röðina var meira en klukkustunda bið til að komast að og kaupa sér miða. Það er því greinilega enn gríðarleg eftirspurn eftir miðum. 

Alls verða 19.000 miðar til sölu á aukatónleikana sem fram fara í Kórnum eins og þeir sem verða þann 9. september.

Meira en þrjátíu tónleikar verða haldnir á leikvöngum um Evrópu þvera og endilanga, meðal annars í Englandi, Frakklandi, Þýskalandi, Spáni, víða um Skandinavíu og í Kópavogi á Íslandi. Þegar fyrri tónleikarnir fóru í sölu seldist upp á þá á innan við klukkustund.

Aðeins rúmlega þúsund stúkumiðar eru í boði samtals en tæplega 18 þúsund stæðismiðar. Gólfið er eitt svæði og stúkan er aftast í salnum.

Svona er miðaverðið á tónleikana:

Standandi stæði:                    15.990 kr

Stúka B:                                24.990 kr

Stúka A:                                29.990 kr