Audi S8 Talladega R er 802 hestafla skrímsli

Audi S8 er öflugur stór lúxusbíll með 605 hestöfl undir húddinu, en það má allltaf gera betur. Það hefur breytingafyrirtækið MTM gert og er Talladega R útgáfa hans 805 hestöfl og klýfur loftið betur en frumgerðin með allskonar breytingum á ytra byrði hans.

Bíllinn er með sömu 4,0 lítra V8 vél eins og frumgerðin en MTM hefur náð að kreista útúr henni auka tvö hundruð hestöfl og tog hans er 945 Nm. Fyrir vikið er hann aðeins 3,1 sekúndu í hundraðið, undir 10 sekúndum í 200 og 29 sekúndur í 300 km hraða. Hámarkshraðinn er 350 km/klst.

Frumgerð Audi S8 kostar 115.825 dollara en MTM dregur 242.962 dollara úr veskjum áhugasamra kaupenda, eða ríflega helmingi meira en Audi gerir. Það eru 31,7 milljónir króna. Þennan bíl er MTM að sýna á bílasýningunni í Genf, sem nú stendur yfir.

Þar verður hann sýndur við hlið MTM útgáfu Volkswagen Amarok pallbíls með V8 dísilvél sem skilar 410 hestöflum. Sá bíll er ekki ódýr heldur því verðmiðinn sem MTM setur á hann er 199.143 evrur, eða 28,3 milljónir króna. Það er nokkuð hátt verð fyrir VW Amarok pallbíl.