Tvær vikur í opnun veiðisvæðanna

Nú eru einungis tvær vikur í að veiðin hefjist á nýjan leik en opnunardagurinn í fyrstu svæðunum er sem fyrr 1. apríl.

Veiðimenn bíða eðlilega spenntir eftir fyrsta degi í veiði og það hýrnaði enn meira yfir veiðimönnum í morgun, sérstaklega á suðvesturlandi, þegar þeir fóru út í morgun og sáu að mestu auða jörð.  Það munar ansi miklu að veiða á þessum fyrstu dögum án þess að vera í snjósköflum við árnar en það er víst nóg að allra veðra sé von á þessum árstíma.  það eru árnar sem bjóða uppá vorveiði í sjóbirting sem opna fyrstar, að Minnivallalæk undanskildum, og samkvæmt veiðileyfasölum sem selja leyfi í þessar ár hefur salan gengið vel og mikið hefur verið bókað inní tímann eftir 1. maí sem oft er þó frekar lítið bókaður.

Þetta eru þrír dagar sem marka upphaf veiðitímans á hverju voru en það er 1. apríl, sumardagurinn fyrsti en þá opna fyrstu vötnin fyrir veiðimenn, þ.e.a.s. vötnin sem eru ekki opin allt árið, og síðan er það 1. maí. Snjóþyngsl vetrarins vekja upp góðar væntingar fyrir góðu vatni í ánum í sumar og prýðileg byrjun í ánni Dee í Skotlandi eykur á bjartsýni með gott laxveiðisumar.