Umfjöllun og viðtöl: Þór Þ. - Snæfell 88-82 | Hólmarar komnir í sumarfrí Stefán Árni Pálsson í Icelandic Glacial-höllinni í Þorlákshöfn skrifar 10. mars 2016 20:45 Ragnar Nathanaelsson, leikmaður Þórs. vísir/stefán Þór Þorlákshöfn vann Snæfell, 88-82, í Dominos-deild karla í körfubolta í kvöld og sendu því Snæfellinga í sumarfrí. Grindvíkingar unnu nefnilega Njarðvík í Grindavík. Þórsarar byrjuðu leikinn betur og komust fljótlega í 12-5. Snæfellingar voru á hælunum og lítið gekk upp sóknarlega í upphafi leiksins. Þeir unnu sig fljótlega í takt við leikinn og breyttu stöðunni í 17-12 sér í vil á mjög stuttum tíma. Snæfell skoraði 14 stig í röð á Þórsara og hrukku bara allt í einu í gang. Staðan eftir fyrsta leikhlutann var því 21-15 fyrir Snæfell. Þórsarar fóru í gang í öðrum leikhluta og það tók þá aðeins fimm mínútur að komast yfir 30-29. Gestirnir úr Stykkishólmi voru samt sem áður ekki á því að hleypa heimamönnum langt fram úr sér og náði fljótlega aftur að komast yfir. Staðan í hálfleik var 44-41 og maður hefur séð betri sóknarleik en sást í Þorlákshöfn í fyrri hálfleiknum í kvöld. Það var greinilegt á leik Snæfellinga í upphafi síðari hálfleiksins að leikmenn liðsins langaði að fara í úrslitakeppnina. Þeir börðust eins og ljón og höfðu þeir allir fengið þær fréttir í hálfleik að Grindvíkingar væru að vinna Njarðvíkinga sannfærandi í Grindavík. Sigurður Þorsteinsson leikmaður Snæfells sýndi sitt rétta Hólmarahjarta í kvöld og leiddi sína menn áfram í baráttunni. Vance Michael Hall er aftur á móti í liði Þórs og var hann magnaður í þriðja leikhlutanum og hélt Þór svo sannarlega inn í leiknum. Staðan eftir þrjá leikhluta var 72-70 fyrir gestina. Þórsarar komust yfir í upphafi fjórða leikhlutans og þá fór um Snæfellinga. Þegar fimm mínútur voru eftir af leiknum voru Þórsarar með fjögurra stig forskot 80-76. Í fjórða leikhlutanum fóru Snæfellingar einfaldlega á taugum og gerðu allt of mörg mistök. Það vantaði nokkur ár í reynslu hjá ákveðnum leikmönnum liðsins og Þórsarar voru of stór biti. Því miður fyrir þá, þá unnu Grindvíkingar sinn leik og eru Hólmarar komnir í sumarfrí. Leiknum lauk með sigri Þórs 88-82 og hafna Snæfellingar því í níunda sæti deildarinnar. Þórsarar enda tímabilið í fimmta sætinu. Þórsarar mæta því Haukum í 8-liða úrslitum Dominos-deildarinnar.Þór Þ.-Snæfell 88-82 (15-21, 26-23, 29-28, 18-10)Þór Þ.: Vance Michael Hall 27/5 fráköst/6 stoðsendingar, Halldór Garðar Hermannsson 14, Ragnar Örn Bragason 10, Emil Karel Einarsson 9, Ragnar Ágúst Nathanaelsson 8/22 fráköst/3 varin skot, Grétar Ingi Erlendsson 8/4 fráköst, Baldur Þór Ragnarsson 6, Magnús Breki Þórðason 6, Sveinn Hafsteinn Gunnarsson 0, Jón Jökull Þráinsson 0, Davíð Arnar Ágústsson 0, Benjamín Þorri Benjamínsson 0.Snæfell: Sherrod Nigel Wright 29/15 fráköst, Sigurður Á. Þorvaldsson 23/6 fráköst, Austin Magnus Bracey 15/7 fráköst, Ólafur Torfason 7/8 fráköst, Viktor Marínó Alexandersson 4/4 fráköst, Jóhann Kristófer Sævarsson 2, Jón Páll Gunnarsson 2, Baldur Þorleifsson 0, Þorbergur Helgi Sæþórsson 0/4 fráköst Svekktur Ingi Þór: Skil ekki Njarðvíkinga að fara með fjögur töp á bakinu inn í úrslitakeppninaIngi Þór Steinþórsson.Vísir/Anton„Mér líður bara mjög einkennilega og er með blendnar tilfinningar,“ segir Ingi Þór Steinþórsson, þjálfari Snæfells, eftir tapið. „Fyrst og fremst er ég stoltur af liðinu, hvernig það er búið að standa sig í vetur. Þetta var alveg hrikalega skrítin vetur og það voru alltaf allir tilbúnir að leggja sig 100% fram. Markmiðið var alltaf að halda liðinu í deildinni en við vorum alveg svakalega nálægt því að ná inn í úrslitakeppnina.“ Ingi áttar sig ekki á úrslitunum í Grindavík. „Ég skil ekki Njarðvíkingana að ætla mæta með fjögur töp á bakinu inn í úrslitakeppnina. En við getum auðvitað ekki verið að treysta á neina aðra en okkur sjálfa. Mér fannst við spila vel í kvöld og sérstaklega varnarlega.“ Hann segir að núna taki við hvíld og undir búningur fyrir næsta tímabil. „Ég skora bara á unga leikmenn að koma í Hólminn og taka slaginn með okkur. Þetta er frábær staður fyrir unga menn að fá mínútur og spila körfubolta. Við vonumst til að halda þessum leikmannahóp fyrir næsta tímabil og bara bæta í.“ Einar: Haukar eru með næst heitasta liðið í dag, á eftir Golden State„Það er fínt að fara inn í úrslitakeppnina þennan sigur á bakinu, en ég er samt ekkert sérstaklega ánægður með okkar frammistöðu í kvöld,“ segir Einar Árni Jóhannsson, þjálfari Þórs, eftir sigurinn í kvöld. „Það sást kannski í kvöld að þeir voru að berjast fyrir sæti í úrslitakeppnina en ég er ánægður með að við náðum að koma okkur í gírinn í síðari hálfleiknum. Þá var sóknarleikur okkar mjög góður og við náðum að stöðva þá í vörninni.“ Þórsarar mæta sjóðandi heitum Haukamönnum í 8-liða úrslitum en þeir hafa núna unnið átta leiki í röð. „Ég held að þetta sé bara næst heitasta liðið í dag, á eftir Golden State [Warriors] og eru gríðarlega sterkir. Þeir rassskelltu okkur fyrir stuttu síðan og þetta verður mjög erfitt einvígi.“ Hann segir að liðið þurfi að spila miklu betur en í kvöld til að eiga möguleika í Haukana. Raggi Nat: Við virðumst vera á niðurleið rétt fyrir úrslitakeppnina„Við teljum okkur vera klára í úrslitakeppnina en við sýndum það því miður ekki í kvöld,“ segir Ragnar Nathanaelsson, eftir sigurinn í kvöld. „Þó við náum að vinna þennan leik þá vorum við bara slakir í sókn og vörn. Við höfum ekki verið nægilega góðir í undanförnum tveimur leikjum. Við þurfum heldur betur að taka til í hausnum á okkur til að mæta Haukunum.“ Ragnar segir að liðið þurfi að ná fram miklu meira jafnvægi í sóknarleiknum til að eiga möguleika í Hauka. „Við virðumst bara vera á einhverri niðurleið fyrir úrslitakeppnina sem er algjör rugl og sérstaklega þegar maður er að mæta eins sterku liði eins og Haukum.“Bein lýsing: Þór Þ. - SnæfellTweets by @VisirKarfa2 Dominos-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Arteta vildi ekki tjá sig um rauða spjaldið Fótbolti Sögulegur dagur er Thelma sópaði til sín gullverðlaunum Sport Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn Atlético Madrid gerði enn eitt jafnteflið Fótbolti „Hún var frábær eiginkona, mögnuð móðir sem og amma“ Fótbolti Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Þór Þorlákshöfn vann Snæfell, 88-82, í Dominos-deild karla í körfubolta í kvöld og sendu því Snæfellinga í sumarfrí. Grindvíkingar unnu nefnilega Njarðvík í Grindavík. Þórsarar byrjuðu leikinn betur og komust fljótlega í 12-5. Snæfellingar voru á hælunum og lítið gekk upp sóknarlega í upphafi leiksins. Þeir unnu sig fljótlega í takt við leikinn og breyttu stöðunni í 17-12 sér í vil á mjög stuttum tíma. Snæfell skoraði 14 stig í röð á Þórsara og hrukku bara allt í einu í gang. Staðan eftir fyrsta leikhlutann var því 21-15 fyrir Snæfell. Þórsarar fóru í gang í öðrum leikhluta og það tók þá aðeins fimm mínútur að komast yfir 30-29. Gestirnir úr Stykkishólmi voru samt sem áður ekki á því að hleypa heimamönnum langt fram úr sér og náði fljótlega aftur að komast yfir. Staðan í hálfleik var 44-41 og maður hefur séð betri sóknarleik en sást í Þorlákshöfn í fyrri hálfleiknum í kvöld. Það var greinilegt á leik Snæfellinga í upphafi síðari hálfleiksins að leikmenn liðsins langaði að fara í úrslitakeppnina. Þeir börðust eins og ljón og höfðu þeir allir fengið þær fréttir í hálfleik að Grindvíkingar væru að vinna Njarðvíkinga sannfærandi í Grindavík. Sigurður Þorsteinsson leikmaður Snæfells sýndi sitt rétta Hólmarahjarta í kvöld og leiddi sína menn áfram í baráttunni. Vance Michael Hall er aftur á móti í liði Þórs og var hann magnaður í þriðja leikhlutanum og hélt Þór svo sannarlega inn í leiknum. Staðan eftir þrjá leikhluta var 72-70 fyrir gestina. Þórsarar komust yfir í upphafi fjórða leikhlutans og þá fór um Snæfellinga. Þegar fimm mínútur voru eftir af leiknum voru Þórsarar með fjögurra stig forskot 80-76. Í fjórða leikhlutanum fóru Snæfellingar einfaldlega á taugum og gerðu allt of mörg mistök. Það vantaði nokkur ár í reynslu hjá ákveðnum leikmönnum liðsins og Þórsarar voru of stór biti. Því miður fyrir þá, þá unnu Grindvíkingar sinn leik og eru Hólmarar komnir í sumarfrí. Leiknum lauk með sigri Þórs 88-82 og hafna Snæfellingar því í níunda sæti deildarinnar. Þórsarar enda tímabilið í fimmta sætinu. Þórsarar mæta því Haukum í 8-liða úrslitum Dominos-deildarinnar.Þór Þ.-Snæfell 88-82 (15-21, 26-23, 29-28, 18-10)Þór Þ.: Vance Michael Hall 27/5 fráköst/6 stoðsendingar, Halldór Garðar Hermannsson 14, Ragnar Örn Bragason 10, Emil Karel Einarsson 9, Ragnar Ágúst Nathanaelsson 8/22 fráköst/3 varin skot, Grétar Ingi Erlendsson 8/4 fráköst, Baldur Þór Ragnarsson 6, Magnús Breki Þórðason 6, Sveinn Hafsteinn Gunnarsson 0, Jón Jökull Þráinsson 0, Davíð Arnar Ágústsson 0, Benjamín Þorri Benjamínsson 0.Snæfell: Sherrod Nigel Wright 29/15 fráköst, Sigurður Á. Þorvaldsson 23/6 fráköst, Austin Magnus Bracey 15/7 fráköst, Ólafur Torfason 7/8 fráköst, Viktor Marínó Alexandersson 4/4 fráköst, Jóhann Kristófer Sævarsson 2, Jón Páll Gunnarsson 2, Baldur Þorleifsson 0, Þorbergur Helgi Sæþórsson 0/4 fráköst Svekktur Ingi Þór: Skil ekki Njarðvíkinga að fara með fjögur töp á bakinu inn í úrslitakeppninaIngi Þór Steinþórsson.Vísir/Anton„Mér líður bara mjög einkennilega og er með blendnar tilfinningar,“ segir Ingi Þór Steinþórsson, þjálfari Snæfells, eftir tapið. „Fyrst og fremst er ég stoltur af liðinu, hvernig það er búið að standa sig í vetur. Þetta var alveg hrikalega skrítin vetur og það voru alltaf allir tilbúnir að leggja sig 100% fram. Markmiðið var alltaf að halda liðinu í deildinni en við vorum alveg svakalega nálægt því að ná inn í úrslitakeppnina.“ Ingi áttar sig ekki á úrslitunum í Grindavík. „Ég skil ekki Njarðvíkingana að ætla mæta með fjögur töp á bakinu inn í úrslitakeppnina. En við getum auðvitað ekki verið að treysta á neina aðra en okkur sjálfa. Mér fannst við spila vel í kvöld og sérstaklega varnarlega.“ Hann segir að núna taki við hvíld og undir búningur fyrir næsta tímabil. „Ég skora bara á unga leikmenn að koma í Hólminn og taka slaginn með okkur. Þetta er frábær staður fyrir unga menn að fá mínútur og spila körfubolta. Við vonumst til að halda þessum leikmannahóp fyrir næsta tímabil og bara bæta í.“ Einar: Haukar eru með næst heitasta liðið í dag, á eftir Golden State„Það er fínt að fara inn í úrslitakeppnina þennan sigur á bakinu, en ég er samt ekkert sérstaklega ánægður með okkar frammistöðu í kvöld,“ segir Einar Árni Jóhannsson, þjálfari Þórs, eftir sigurinn í kvöld. „Það sást kannski í kvöld að þeir voru að berjast fyrir sæti í úrslitakeppnina en ég er ánægður með að við náðum að koma okkur í gírinn í síðari hálfleiknum. Þá var sóknarleikur okkar mjög góður og við náðum að stöðva þá í vörninni.“ Þórsarar mæta sjóðandi heitum Haukamönnum í 8-liða úrslitum en þeir hafa núna unnið átta leiki í röð. „Ég held að þetta sé bara næst heitasta liðið í dag, á eftir Golden State [Warriors] og eru gríðarlega sterkir. Þeir rassskelltu okkur fyrir stuttu síðan og þetta verður mjög erfitt einvígi.“ Hann segir að liðið þurfi að spila miklu betur en í kvöld til að eiga möguleika í Haukana. Raggi Nat: Við virðumst vera á niðurleið rétt fyrir úrslitakeppnina„Við teljum okkur vera klára í úrslitakeppnina en við sýndum það því miður ekki í kvöld,“ segir Ragnar Nathanaelsson, eftir sigurinn í kvöld. „Þó við náum að vinna þennan leik þá vorum við bara slakir í sókn og vörn. Við höfum ekki verið nægilega góðir í undanförnum tveimur leikjum. Við þurfum heldur betur að taka til í hausnum á okkur til að mæta Haukunum.“ Ragnar segir að liðið þurfi að ná fram miklu meira jafnvægi í sóknarleiknum til að eiga möguleika í Hauka. „Við virðumst bara vera á einhverri niðurleið fyrir úrslitakeppnina sem er algjör rugl og sérstaklega þegar maður er að mæta eins sterku liði eins og Haukum.“Bein lýsing: Þór Þ. - SnæfellTweets by @VisirKarfa2
Dominos-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Arteta vildi ekki tjá sig um rauða spjaldið Fótbolti Sögulegur dagur er Thelma sópaði til sín gullverðlaunum Sport Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn Atlético Madrid gerði enn eitt jafnteflið Fótbolti „Hún var frábær eiginkona, mögnuð móðir sem og amma“ Fótbolti Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn
Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn