Glamour

Ferðaðist til Íslands í síðkjól yfir æfingabol

Ritstjórn skrifar
Kim og Kanye á flugvellinum í New York á leiðinni til Íslands.
Kim og Kanye á flugvellinum í New York á leiðinni til Íslands. Glamour/Getty
Eins og flestir sem fylgjast með vefmiðlum þá er Kardashian fjölskyldan mætti til landsins í allri sinni dýrð. Systurnar Kim og Kourtney ásamt Kanye West og fríðu föruneyti eru þessa stundina að flakka um landið og gista meðal annars á 101 Hotel. 

Klæðaburður Kim þegar hún var á leiðinni til landsins hefur vakið athygli en stíliseringin var af frumlegri gerðinni. Kim klæddist í svörtum síðum silkikjól með mjóum hlýrum yfir Adidas æfingabol renndum upp í háls. Dressið var svo kórónað með háum hælum. Ekki kannski það sem allir mundi kjósa að klæðast fyrir langt flug. 

Óneitanlega samsetning sem við höfum ekki séð áður, kannski vildi hún passa að verða ekki kalt við komuna til landsins en sömuleiðis erfitt að sleppa síðkjólnum... ekki gott að segja en kannski er þetta næsta sumartrend? Allavega hentugt í íslenska sumarhitanum.

Ekki er vitað hvað dregur hópinn til Íslands en Kourtney fagnaði meðal annars afmælinu sínu hér á landi í gær. 

Frumleg samsetning svo ekki sé meira sagt.

Iceland Waterfall

A photo posted by Kim Kardashian West (@kimkardashian) on

ICELAND

A photo posted by Kourtney Kardashian (@kourtneykardash) on

Glamour Tíska

Mest lesið




×

Mest lesið