Glænýir bílar enn seldir með gallaða Takata öryggispúða

Þeir sem hafa nýverið keypt bíla eins og 2016 árgerðina af Audi TT, 2017 árgerðina af Audi R8, Mitsubishi i–MiEV eða 2016 árgerðina af Volkswagen CC ættu eðlilega að hafa áhyggjur af öryggi bíls sinna þar sem í þeim eru gallaðir öryggispúðar frá japanska framleiðandanum Takata.

Enn er verið að innkalla bíla með þessa gölluðu öryggispúðum frá Takata og hefur Toyota innkallað þá flesta. Gallarnir lýsa sér í því að þegar þeir springa út sprengja þeir einnig umgjörð þeirra og geta þeir þeyst í andlit ökumanna og hafa fjölmörg dauðsföll orðið af völdum þessa.

Það eina sem eigendur bíla með þessa gölluðu öryggispúða geta huggað sig við er að það tekur nokkur ár í bílunum fyrir þessa öryggispúða að eyðileggjast og þá þurfa bílarnir að vera í talsverðum raka en það er raki sem veldur göllunum. Því mega eigendur þessara nýju bíla eiga von á því að framleiðendur þeirra muni á næstunni innkalla þá og skipta um þessa púða. Því eru þessir bílar enn öryggir, en á endanum þarf að skipta um öryggispúða í þeim öllum.

Fyrir íbúa hérlendis er ekki þörf á að hafa miklar áhyggjur af göllum í þessum nýju bílum þar sem afar fáir bílar af þessum bílgerðum hafa verið seldir hér á landi.