Hvert einasta smáblóm María Bjarnadóttir skrifar 24. júní 2016 07:00 Enska orðið Nursery þýðir bæði leikskóli og gróðrarstöð. Þetta er varla tilviljun enda starfsemin á báðum stöðum eðlislík og snýst um að hlúa að græðlingum svo að þeir vaxi og dafni. Sumir þurfa mikla aðhlynningu og næringu á meðan harðgerari tegundir þrífast í einföldum aðstæðum. Englendingar sinna plönturæktun með svipuðu sniði og Íslendingar, en hafa farið aðeins aðrar leiðir við að rækta börnin sín. Leikskólar og frístundaheimili eru ekki hluti af starfsemi sveitarfélaga. Foreldrar greiða kostnaðarverð fyrir svoleiðis lúxus á meðan Íslendingar velta fyrir sér upphæð frístundakorta. Skipulegt íþróttastarf eins og fótbolti er óskylt sveitarfélögum og á sér stað á forsendum einkarekstrar eða foreldraframtaks. Hugtakið hverfisíþróttafélag er hluti af fortíðarþrá Englendinga sem eru komnir yfir miðjan aldur. Þó að enn vanti upp á að sinna mikilvægum sjaldgæfari græðlingum, er fjármögnun og fyrirkomulag á umönnun barna samfélagsverkefni á Íslandi. Kerfið stefnir að því að næra hvert einasta smáblóm sem á okkar hjartans skeri vex. Um þetta er einstök samstaða. Dæmi: annars staðar skipuleggja fjölskyldur ekki sumarfríin sín í kringum fótboltamót barna. Það er viðeigandi að tala um okkar menn eða strákana okkar í Frakklandi. Það væri jafnvel viðeigandi að tala um uppskeru. Árangur karlalandsliðsins er ekki bara tilviljun eða heppni. Það er afurð ákvarðana og forgangsröðunar foreldra, kjósenda og stjórnmálafólks um hvernig verður best hlúð að helstu náttúruauðlind Íslendinga; börnum.Þessi grein birtist fyrst á Fréttablaðinu. Viltu birta grein á Vísi? Sendu okkur póst. Senda grein María Bjarnadóttir Mest lesið Hvers vegna var Úlfar rekinn? Hjörtur J. Guðmundsson Skoðun Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun Að apa eða skapa Rósa Dögg Ægisdóttir Skoðun Ríkisstjórnin ræðst gegn ferðaþjónustu bænda Lilja Rannveig Sigurgeirsdóttir Skoðun Gangast við mistökum Júlíus Birgir Jóhannsson Skoðun Að reyna að „tímasetja“ markaðinn - er það góð strategía? Baldvin Ingi Sigurðsson Skoðun Eru forsætisráðherra og ríkisstjórn hrædd við vilja fólksins; lýðræðið? Ole Anton Bieltvedt Skoðun Að vilja meira og meira, meira í dag en í gær Harpa Fönn Sigurjónsdóttir Skoðun Lífsnauðsynlegt aðgengi Bryndís Haraldsdóttir Skoðun Kallað eftir málefnalegri umræðu um kröfur um íslenskukunnáttu Eiríkur Rögnvaldsson Skoðun
Enska orðið Nursery þýðir bæði leikskóli og gróðrarstöð. Þetta er varla tilviljun enda starfsemin á báðum stöðum eðlislík og snýst um að hlúa að græðlingum svo að þeir vaxi og dafni. Sumir þurfa mikla aðhlynningu og næringu á meðan harðgerari tegundir þrífast í einföldum aðstæðum. Englendingar sinna plönturæktun með svipuðu sniði og Íslendingar, en hafa farið aðeins aðrar leiðir við að rækta börnin sín. Leikskólar og frístundaheimili eru ekki hluti af starfsemi sveitarfélaga. Foreldrar greiða kostnaðarverð fyrir svoleiðis lúxus á meðan Íslendingar velta fyrir sér upphæð frístundakorta. Skipulegt íþróttastarf eins og fótbolti er óskylt sveitarfélögum og á sér stað á forsendum einkarekstrar eða foreldraframtaks. Hugtakið hverfisíþróttafélag er hluti af fortíðarþrá Englendinga sem eru komnir yfir miðjan aldur. Þó að enn vanti upp á að sinna mikilvægum sjaldgæfari græðlingum, er fjármögnun og fyrirkomulag á umönnun barna samfélagsverkefni á Íslandi. Kerfið stefnir að því að næra hvert einasta smáblóm sem á okkar hjartans skeri vex. Um þetta er einstök samstaða. Dæmi: annars staðar skipuleggja fjölskyldur ekki sumarfríin sín í kringum fótboltamót barna. Það er viðeigandi að tala um okkar menn eða strákana okkar í Frakklandi. Það væri jafnvel viðeigandi að tala um uppskeru. Árangur karlalandsliðsins er ekki bara tilviljun eða heppni. Það er afurð ákvarðana og forgangsröðunar foreldra, kjósenda og stjórnmálafólks um hvernig verður best hlúð að helstu náttúruauðlind Íslendinga; börnum.Þessi grein birtist fyrst á Fréttablaðinu.
Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun
Eru forsætisráðherra og ríkisstjórn hrædd við vilja fólksins; lýðræðið? Ole Anton Bieltvedt Skoðun
Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun
Eru forsætisráðherra og ríkisstjórn hrædd við vilja fólksins; lýðræðið? Ole Anton Bieltvedt Skoðun