Nýjar vikulegar veiðitölur úr laxveiðiánum

Landssamband Veiðifélaga gefur út vikulegar aflatölur úr laxveiðiánum og það sést vel á tölum vikunar að sumarið fer vel af stað.

Eystri Rangá var fyrst ánna til að fara yfir 1.000 laxa og stendur í 1.111 löxum.  Það er mikið af laxi að ganga í Eystri og Ytri Rangá sem sést vel á aflabrögðum en alls veiddust 611 laxar í vikunni í Eystri Rangá.  Ytri Rangá er skammt undan með 439 laxa og þar er að sama skapi mjög góður gangur í veiðinni.  Takan hefur aðeins dottið niður á vesturlandi og verður þar ekki um að kenna litlu magni af laxi í ánum heldur að árnar hafa hitnað mikið í sumarblíðunni og eru þær margar 16-18 gráðu heitar seinni part dagsins þegar sólin hefur hitað árnar allann daginn.

Þegar lögð er saman heildarveiðin í þeim 10 efstu ám í samantektinni þessa vikuna hafa samtals 6373 laxar veiðst að kvöldi miðvikudags. Á svipuðum tíma í fyrra höfðu veiðst alls 2776 laxar og því ljóst að veiðin er rúmlega tvöfalt meiri eins og staðan er núna.  Heildarlistann frá LSV má finna á www.angling.is en topp 10 listinn er hér að neðan.

Eystri Rangá         1.111

Blanda                  1.020

Ytri Rangá                916

Þverá/Kjarrá            721

Norðurá                   634

Miðfjarðará              608

Haffjarðará              472

Langá                      374

Laxá í Aðaldal          266

Víðidalsá                  251