Misvísandi upplýsingar í leiðsögukerfum hérlendis

Við prófanir á nýjum bílum undanfarið hefur ritstjóri billinn.is nokkrum sinnum rekist á misvísandi upplýsingar í leiðsögukerfum nýrra bíla. Algengast er að þær sýni villandi hámarkshraða og þá annað hvort tölur sem ekki eru notaðar hérlendis, eins og 10 km eða 40 km og það sem alvarlegra er, meiri hámarkshraða en er á þeirri götu sem ekið er á.

Sem dæmi má nefna að nýr VW Tiguan sýndi 80 km hámarkshraða á Kringlumýrarbraut milli Miklubrautar og Suðurlandsbrautar og Renault Talisman sýndi einnig 80 km hámarkshraða á nokkrum köflum á Sæbraut þar sem er 60 km hámarkshraði.

Báðir bílarnir komu hingað fyrir frumsýningu þeirra hérlendis og gætu því verið svokallaðir “Pre Production” bílar en vissara er fyrir neytendur að vera vakandi fyrir þessu í bílum sínum. Myndin með greininni sýnir leiðbeinandi hámarkshraða leiðsögukerfis í gluggaskjá Renault Talisman og sýnir talan 80 í stað 60.