Sjáðu sviðið og farðu baksviðs hjá Bieber - Myndband

Tónlistarmaðurinn Justin Bieber stígur á sviðið í Kórnum í kvöld en kanadíska poppstjarnan lenti hér á landi um hádegisbilið í gær. Bieber kom til landsins í einkaflugvél að gerðinni Gulfstream G550 og fór beint frá Reykjavíkurflugvelli í Bláa Lónið.

Tónleikarnir fara fram í Kórnum í kvöld og hann kemur einnig fram annað kvöld á sama tónleikastað.

Viðburðarfyrirtækið Sena Live stendur fyrir þessum tónleikum og hefur fyrirtækið verið að undirbúa þá í meira en eitt ár. Yfir 35.000 manns eru á leiðinni á tónleikana báða og er spennan hér á landi orðinn mikil.

Sena leyfði fylgjendum sínum á Facebook að sjá baksviðs í Kórnum með skemmtilegu myndbandi sem sjá má hér að neðan.