Nýr Peugeot 2008 frumsýndur í Brimborg á laugardaginn

Brimborg frumsýnir nýjan Peugeot 2008 laugardaginn 22. október milli k. 12 og 16 í sýningarsal Peugeot að Bíldshöfða 8. Peugeot 2008 er fyrir þá sem kjósa sportlegan bíl sem hentar fjölbreyttum aðstæðum. Útlínurnar eru mjúkar og ásýndin falleg. Peugeot 2008 er einnig mjög praktískur. Farangursrýmið er stærra en í  mörgum sambærilegum bílum.

Veghæðin er mikil, eða 16,5 cm undir lægsta punkt. Innstigið er því mjög þægilegt og farþegar sitja hærra sem skilar betra útsýni. Hann er 5 dyra og fáanlegur beinskiptur eða sjálfskiptur með margverðlaunuðum Puretech vélum. 

Hægt er að fá Peugeot með bensín- eða dísilvél. Í boði eru tvær bensínvélar, annars vegar 82 hestafla, 1,2 lítra vél sem eyðir frá 4,9 l/100 km og losar 114 g/km og hinsvegar 110 hestafla 1,2 lítra vél sem eyðir frá 4,9 l/100 km og losar frá 114 g/km. Dísilvélin er 100 hestafla og 1,6 lítra. Hún eyðir frá 3,5 l/100 km og losar 90 g/km.