The Stig fer Inferno skíðabrekkuna á Land Rover

Inferno skíðabrekkan í Sviss er ein lengsta og erfiðasta skíðabrekka heims, 14,9 kílómetra löng, með bratta allt að 75 prósent og heildarfallhæð yfir 2.000 metra. Það hljómar ekki sem heppileg leið til að hendast niður á bíl. Það var þó gert fyrir skömmu og átti þar í hlut ökumaðurinn Ben Collins sem var á tíma hinn eini og sanni The Stig í bílaþáttunum Top Gear.

Ben Collins ók niður Inferno brekkuna á Land Rover Sport bíl með 510 hestafla V8 vél. Engin ástæða er reyndar til að búa af miklu afli á leiðinni niður Inferno brekkuna, heldur miklu fremur að gæta þess að bremsa helst aldrei. Þá er voðinn vís og mikil hætta á að velta bílnum. Þrátt fyrir að það hafi tekið Ben Collins 21 mínútu og 36 sekúndur að fara alla brekkuna, þá var það ekki svo að hann hafi farið hægt, heldur á allt að 155 km hraða. Sjá má akstur hans hér að ofan í athygliverðu myndskeiði.

Í Inferno skíðabrekkunni í Sviss er árlega haldin lengsta brunkeppni heims og taka allt að 1.800 skíðamenn þar þátt. Hefur þessi fornfræga keppni verið haldin síðan árið 1928. Í Inferno brekkunni var skíðaeltingaleikurinn í James Bond myndinni “On Her Majesty´s Sectret Service” tekin upp.