Vespa 400 boðin upp á ebay á 39.950 dollara

Vespa er þekktara fyrir framleiðslu léttmótorhjóla en bíla en fyrirtækið framleiddi hinsvegar þennan Vespa 400 bíl á árunum 1957 til 1961. Framleiðsla hans náði mestum hæðum árið 1958 er framleiddir voru 12.130 bílar en bæði sala og framleiðsla fór hnignandi eftir það og átti það helst skýringar í því að bíllinn var afllaus, þótti ansi lítill, með afar skrítna skiptingu og einkar illa hljóðeinangraður.

Það hefur þó ekki komið veg fyrir það að nú eru þessir bílar verðmætir söfnunarbílar, enda ekki ýkja mörg eintök til af honum svona heilleg eins og þessi sem hér sést. Nú er verið að bjóða þennan bíl á ebay á 39.975 dollara, eða 4,7 milljónir króna, en enginn hefur þó ennþá stokkið á það verð og mun lægri tilboð komin í hann.

Þessu tiltekna eintaki, sem er af árgerð 1960, hefur aðeins verið ekið 8.000 kílómetra og er hann því svo til ónotaður og eiginlega ekkert sést á honum. Allir íhlutir hans eru upprunanlegir og virka sem skildi. Bíllinn er að sjálfsögðu í ökuhæfu ástandi. Vespa 400 er með 14 hestafla vél og hámarkshraða hans sem er á 83,4 km/klst og því má ná á um 25 sekúndum. Uppgefin eyðsla hans í breskum prófunum var 5,11 lítrar.

Sjá má myndskeið af annarri gangfærri Vespu 400 á bílasýningu hér að ofan.